Hey ! Kumusta ang budget-buhay natin lately? If you’re like most of us, siguradong minsan napapaisip ka, “Kailan ba ako makakaipon nang seryoso?” Well, good news! I have a fun, super achievable, and totally customizable solution for you: ang 100 Days Ipon Challenge!

Ito na ang perfect way para ma-jumpstart ang ipon journey mo—isang simple, exciting, at flexible challenge na kayang-kaya gawin kahit sino. At ang best part? I created a FREE printable PDF na magagamit mo to track your progress and set your goals. Excited ka na? Tara, basahin mo hanggang dulo para malaman kung paano simulan at i-download ang planner na ito.

Ano ang 100 Days Ipon Challenge?

Ang 100 Days Ipon Challenge ay isang daily savings plan na tumatagal ng 100 days. Pero ang twist? Ikaw ang bahala sa target amount mo. Hindi ito fixed, kaya perfect ito kahit anong estado ng budget mo ngayon. Ang kailangan mo lang gawin ay:

• Mag-set ng goal – Gaano kalaki ang gusto mong maipon after 100 days?
• Isulat ito sa 100 Days Ipon Tracker na ginawa ko (free download, promise!).
• Maghulog ng daily amount – Kahit magkano, basta consistent.
• I-track ang progress mo!

This challenge is designed to teach you discipline, patience, and consistency. Hindi lang pera ang maiipon mo—matututo ka ring mag-develop ng habit na mag-iipon araw-araw!

Bakit Effective ang 100 Days Ipon Challenge?

Kung nag-struggle ka dati sa traditional na ipon plans, baka ito na ang sagot para sa’yo. Bakit? Kasi:

Flexible ang Goal.
Walang pressure! Kung gusto mo ng maliit na ipon para sa emergency fund o malaki para sa travel goals mo, p’wede. Ikaw ang may control.

Simple at Realistic.
Daily hulog lang ang kailangan. Hindi mo kailangang mag-adjust ng sobra sa lifestyle mo.

Visual Progress.
Gamit ang printable tracker, makikita mo kung gaano ka na kalapit sa goal mo. Nakaka-motivate kapag may nasusundan ka!

Habit-Forming.
Araw-araw kang mag-iipon, kaya after 100 days, magiging natural na sa’yo ang magtabi ng pera.

Multiple Opportunities in a Year.
Since there are 365 days in a year, puwede mong gawin ang 100 Days Ipon Challenge tatlong beses sa isang taon! Imagine having three different goals for three separate rounds ng challenge. Halimbawa:

• Unang 100 Days: Mag-ipon ng ₱5,000 para sa emergency fund.
• Pangalawang 100 Days: Mag-ipon ng ₱10,000 para sa dream travel.
• Pangatlong 100 Days: Mag-ipon ng ₱20,000 para sa small business capital.

Paano Simulan ang Challenge?

Madali lang! Sundin mo ang mga steps na ito:

Step 1: I-download ang Free Printable 100 Days Ipon Tracker

Ginawa ko ito para sa’yo! May sections na kung saan puwede mong:

• Isulat ang ipon goal mo.

• I-track ang daily hulog mo.

• I-monitor ang total na naiipon mo.

CLICK HERE TO DOWNLOAD YOUR FREE TRACKER!

Step 2: Mag-set ng Ipon Goal

Mag-isip ng specific na amount na gusto mong maipon after 100 days. Puwedeng:

• ₱5,000 para sa bagong gadget.

• ₱10,000 para sa travel fund.

• ₱50,000 kung long-term goal mo.

Ikaw bahala! Basta realistic para sa budget mo.

Step 3: Simulan Maghulog Araw-Araw

Decide kung magkano ang kaya mong ihulog daily. Halimbawa:

• Day 1: ₱10, Day 2: ₱20, Day 3: ₱30, and so on.

• O kung gusto mo, fix amount na ₱50 per day para mas simple.

Step 4: Stay Consistent!

Consistency is key! Kung minsan mahirap maghulog dahil sa gastos, bumawi ka the next day. Importante ang commitment para maabot ang goal.

Tips Para Sa Successful Ipon Journey

Gawin Mong Fun!
Gamitin mo ang tracker para gawing colorful ang progress mo. Highlight or shade ang bawat araw na natapos mo.

I-Visualize ang Goal Mo.
Print a photo of your target (e.g., travel destination, gadget, or dream item) at ilagay ito sa tabi ng tracker mo.

Mag-reward sa Sarili.
Pagkatapos ng challenge, treat yourself kahit maliit lang—reward ang pagiging consistent mo!

Maghanap ng Accountability Partner.
Sabihan ang friend or family member na sumali rin. Magtulungan kayo at i-share ang progress.

What Makes This Challenge Special?

Hindi tulad ng ibang ipon challenges na rigid at fixed, ang 100 Days Ipon Challenge ay customized para sa’yo. At dahil nga may kasamang FREE PDF tracker, mas madali at mas organized ang ipon journey mo.

Anong Magagawa Mo Sa Naiipon Mo?

• Emergency Fund: Napakahalaga nito lalo na’t unpredictable ang buhay.

• Travel Fund: Finally, ma-eexplore mo na ang dream destination mo.

• Investment Start: Pwede kang mag-open ng MP2, stocks, o savings account.

• Reward for Yourself: New gadget, wardrobe, or anything na matagal mo nang gusto.

Ready Ka Na Ba?

Kung matagal ka nang nangangarap makapag-ipon pero hindi mo alam paano magsisimula, ang 100 Days Ipon Challenge ang sagot sa’yo. Gawin itong first step towards financial freedom. At tandaan, hindi kailangan ng malaking sweldo para makapag-ipon—ang kailangan mo lang ay commitment at consistency.

So, ano pang hinihintay mo? I-DOWNLOAD ANG FREE PRINTABLE TRACKER DITO!

Sabay-sabay nating gawing masaya at fulfilling ang ipon journey natin. Share this with your friends and family para sama-sama tayong umangat financially. Cheers to your savings!

P.S.

Meron din akong Plus 1% Ipon Challenge. Ito yung Ipon Challenge na Malaki ang naitulong sa akin para makapag-ipon. Kung gusto mo rin itong subukan, nandito ang details sa link na ito: 

PLUS 1% IPON CHALLENGE

The post Start a 100 Days Ipon Challenge appeared first on Pera Thoughts.

Makinig kayo, kasi posible ito – at ang sikreto ay work smarter, not harder. Ang isang successful na home-based raket ay makakapagdala ng overflowing benefits para sa iyong pamilya, magkakaroon ka ng flexibility, mababawasan ang stress, at sa huli, mas present ka na kasama ang mga loved ones mo.

4 Paraan Kung Paano Magkaroon Ng Mas Maraming Family Time with a Home-based Raket

#1 Build Flexibility into Your Schedule

Ang pagkakaroon ng home-based raket ay hindi instant freedom lalo na kung nagsisimula ka pa lang. But in the long run, kaya nitong i-unlock ang pagkakaroon mo ng mas flexible na oras para sa trabaho. For now, okay na okay lang kahit may full-time job ka. Yung raket mo, ilagay mo lang sa mga oras na free ka. Yung maliit na oras na maiibigay mo sa raket mo, malaking bagay na yan para sa future mo. At yang oras na yan magiging family time din sa lalong madaling panahon.

#2 Maximize Your “In-Between” Moments

Ilang oras yung nauubos mo sa pagko-commute araw-araw? Isang oras? Dalawang oras? What if gamitin mo ang raket mo bilang paraan para mabawi ‘yung mga “in-between” moments gaya niyan? Naghihintay habang nasa extracurricular ang anak? Imbis na mag-scroll sa social media, gumawa ka ng post para i-promote ang raket mo. Break time? Tamang-tama  yan mag-research ng mga bagong clients. ‘Yung mga maliit na sandaling ‘to, malaking impact nyan sa raket mo at sa future mo.

#3 Reduced Stress = Happier Parent = Happier Family

Nakaka-stress talaga ang mga financial worries, budget na laging bitin. Plus nandyan pa yung hindi ka masaya sa trabaho mo, burnout talaga ang aabutin mo. NAKAKAPAGOD! Ang home-based raket mo ang magbibigay ng sense of control sa iyo. Magkakaroon ka ng dagdag income o kaya naman ay passion project mo na magpapasaya sa iyo na siguradong makakabawas sa stress. Makakapagbigay din yan sayo ng emotional space, mas malaking happy space para sa family.

#4 The Long Game: More Freedom, Less Grind

Ang successful na home-based raket ay nangangailangan ng trabaho sa umpisa. Pero ang goal mo ay bumuo ng isang sustainable na bagay na magreresulta sa mas maraming oras para sa mga family outings eventually. At malay mo, ito na rin ang tulay para iwan mo na ang full-time job mo at mag-focus na lang sa pagpapalago ng home-based raket mo into a family business.

Real Talk: Hindi Ito Magic

Ang pagkakaroon ng home-based raket ay hindi magic solution na bubura sa lahat ng iyong time constraints. Magkakaroon ka ng busy seasons at late nights. Pero, kung strategic ang approach mo, kayang-kaya nitong magkaroon ng bagong balance in ways na makakabuti sa buhay pamilya mo.

Handa ka na bang tuklasin ang mga possibilities? Ang eBook ko, “Kita Kits sa Bahay: Home-based Raket Para sa Busy Parents“, ang roadmap mo. Alamin kung paano ka makahanap ng tamang Home-based Raket, paano sulitin ang oras mo, at bumuo ng isang bagay na magpapalakas pareho sa iyong mga pangarap at precious moments kasama ang pamilya.

The post 4 Paraan Kung Paano Magkaroon Ng Mas Maraming Family Time with a Home-based Raket appeared first on Pera Thoughts.

Sa blog post na ‘to, i-explore natin ang mundo ng Pag-IBIG MP2, mula sa kung ano nga ba ito, hanggang sa kung paano ka makakasali, at syempre, kung paano mo mas mai-maximize ang potential ng iyong investment. Tutulungan ka namin na maunawaan ang ins and outs, ang mga dapat mong pag-isipan bago ka mag-dive in, at kung paano ito magiging fit sa iyong financial goals. 

So, whether bago ka pa lang sa investing game or looking ka na mag-add ng bagong weapon sa iyong arsenal ng investments, stick around! Tara na’t simulan natin ang journey na ‘to sa Pag-IBIG MP2. 

Step 1: Ano ang Pag-IBIG MP2

Una sa lahat, ano nga ba ang Pag-IBIG MP2? Ito’y isang voluntary savings program para sa mga gustong mag-invest beyond their regular Pag-IBIG savings. Ang ganda dito, government-backed, so medyo low-risk siya compared to other investment options out there.

Mga Benefits:

• Higher Dividend Rates: Compared sa regular Pag-IBIG savings, mas mataas ang potential earnings mo dito.
• Tax-Free: Yup, tama ang nabasa mo. Walang tax ang earnings mo dito!
• Flexible: Ikaw ang bahala kung magkano ang gusto mong ilagay basta minimum of 500 pesos, at anytime pwede kang magdagdag basta may hulog ka monthly.
• Safe: Since government-backed, mas secured yung money mo.

Swak ito sa mga Filipino investors, especially sa mga gusto ng low-risk pero decent returns para sa kanilang savings.

Step 2: Paano Mag-enroll sa Pag-IBIG MP2

Next, let’s walk you through sa pag-enroll. Simpleng-simple lang!

Gumawa ng Online Account sa Pag-IBIG:

• Virtual Pag-IBIG Account: Kung wala ka pang account, mag-register ka muna dito >> Virtual Pag-IBIG. Kailangan mo lang ng valid ID at ilang personal details.
• Activate Your Account: May verification process na mangyayari through your email or SMS, so make sure na valid ang contact details mo.

Piliin ang Paraan ng Pagbabayad:

• Directly sa Pag-IBIG Branch: Pwedeng magbayad directly sa kahit anong Pag-IBIG branch.
• Online Transfer: Gamitin ang GCash, Maya, or online banking para more convenient.
• Salary Deduction: Pwede ring mag-arrange sa employer mo for automatic deductions.

Mag-Decide Kung Magkano ang I-invest Mo:

• Minimum Investment: Php 500 lang, pero walang maximum limit. So ikaw ang bahala kung magkano ang gusto mong ilagay based sa budget mo.
• Think About Your Goals: Isipin mo muna kung ano ang financial goals mo. Gusto mo ba ito for retirement, pang-down sa bahay, o para sa education ng mga kids?

Pag-intindi sa Dividends

Una sa lahat, ang dividends. Sa Pag-IBIG MP2, ang earnings mo comes from dividends na based sa fund’s performance. Good news, historically, maganda ang performance nito at mas mataas ang rates kumpara sa regular savings. Pero, importante rin na alam mo na variable ito – ibig sabihin, pwedeng magbago-bago yearly. Kaya, kahit maganda ang track record, magandang idea na mag-set ng realistic expectations.

Tagal ng Investment

Sunod, usapang duration or kung gaano katagal mo dapat i-hold ang iyong investment. Ang MP2 ay may term na five years. Technically, after five years, pwede mo nang kunin ang pera mo plus dividends. Pero, may option ka rin to reinvest it for another term kung gusto mo pang palaguin. Maganda ito para sa long-term goals like retirement or saving for a big purchase. Just keep in mind na once you decide to invest, ideally, hindi mo dapat galawin ang pera for the whole term para maximized ang growth.

Pagkakaiba sa Ibang Investments

Paano ito kaiba sa ibang investments? Well, kumpara sa stocks or mutual funds, mas low-risk ang MP2 dahil government-backed. Pero, kasabay nito, baka mas lower din ang potential returns compared sa riskier investments. So, if you’re someone na okay lang sa lower risk and prefers stability over high risk, high reward setups, perfect sa’yo ang MP2.

Possible Downsides

Lastly, let’s be honest sa possible downsides. Kahit maganda ang MP2, hindi ito exempted sa risks. For instance, since fixed ang term, hindi mo basta-basta mahuhugot ang pera without penalties kung bigla mo itong kailangan. Plus, since dependent sa performance ng fund ang dividends, there’s always a chance na hindi ito kasing taas ng inaasahan mo sa ilang years.

Kaya, bago ka mag-invest, magandang timbangin mo muna lahat: from your financial goals, risk tolerance, hanggang sa iba pang options na available sa’yo. Isipin mo rin if okay lang ba sa’yo ang mag-commit sa isang investment for five years. And of course, never put all your eggs in one basket. Diversification is key para sa balanced at healthy portfolio.

Choosing Between Annual and Compounded Dividends

Una sa lahat, pag-usapan natin ang dividends. Sa MP2, may choice ka between receiving your dividends annually or letting them be compounded yearly until the end of your term.

• Annual Dividends: Kung gusto mo ng regular “income” yearly, pwede mong piliin na kunin ang dividends mo annually. Magandang option ito if you plan to use these dividends as a supplemental income source.
• Compounded Dividend: Kung hindi mo naman kailangan yung pera agad-agad, the compounded option might be the way to go. Ibig sabihin, reinvested ang dividends mo back into the fund, allowing your investment to grow even more over time. This is great for maximizing the potential of your investment, lalo na if you’re looking at it as a long-term savings plan.

Para masulit mo ang Pag-IBIG MP2, importanteng aligned ang iyong investment choices with your financial goals and needs. With the right strategy, patience, and discipline, you can make your MP2 investment work wonders for your financial future. Always remember, though, na ang investing comes with risks and uncertainties, so always do your research. Ngayon, armed ka na with knowledge on how to make the most out of your Pag-IBIG MP2 investment. Let’s make your money work for you!

The post Paano Mag-INVEST sa Pag-IBIG MP2? appeared first on Pera Thoughts.

Kung bago ka sa idea ng manifestation, parang ang hirap paniwalaan, ‘di ba? Pero kung goal mo ang success, sobrang powerful ng statement na ‘to. Dito nakatago ‘yung pinaka-precious na secret ng life.

Lahat ng bonggang achievements, nagsisimula sa isang thought lang. Tingnan niyo ‘yung Wright brothers – pangarap lang nila dati na makalipad. Dahil sa thought nila, naging reality ‘yun, at tayo ang nag-eenjoy ngayon. Si Donald Trump, dream niyang yumaman. Dahil sa vision niya, na-meet niya ‘yung tamang tao at opportunities, at ayun, naging rich siya. Si Bill Gates, may idea siya na gawing madali ang paggamit ng computer at accessible sa lahat. Nangyari ‘yun! Lahat sila, naintindihan ‘yung isang mahalagang prinsipyo: ang Law of Attraction.

Ano ba ‘yung Law of Attraction?

Sabi ng Law of Attraction, ‘yung mga magkakapareho, nag-a-attract. Parang katulad sa kasabihan na, “birds of the same feather flock together.” Ang lahat nag-uumpisa sa thought, at malaki ang role ng Law of Attraction sa pag-manifest ng thought, ganito ‘yun:

ISANG THOUGHT → nag-a-attract ng KATULAD NA THOUGHTS → na nagdadala ng MGA TAO NA MAY KATULAD NA THOUGHTS → na lumilikha ng SITUATIONS NA IN LINE SA MGA THOUGHTS NA ‘YON → leading to REALIZATION NG DESIRED OUTCOME.

Nature ng Thoughts

Hindi ako expert dito ah, pero sa tingin ko, ang mga thoughts ay parang raw energy na naghihintay lang na mabuo. Totoo sila, kagaya ng electricity na hindi mo nakikita pero alam mong nandiyan. Lahat kasi ng naimbento o nalikha sa mundo ay nagsimula sa isang thought (idea). ‘Yung transformation ng idea from imagination to physical reality, na-drive ‘yun ng patuloy na pag-iisip.

Importance ng Positivity at Impact nito sa Buhay

Ang pag-intindi sa power of thoughts ay hindi lang para sa material success; para rin ‘to sa pag-transform ng buong buhay mo. Ang mindset mo ay pwedeng maka-influence sa lahat, mula sa health hanggang sa relationships. Kapag positive ang outlook mo, mas maganda ang nadadala mong circumstances. Pero kung negative lagi ang iniisip mo, baka ma-stuck ka sa hindi magandang sitwasyon. Hindi ito magic, reflection ito ng pag-influence ng mindset mo sa mga action mo at mga outcomes nito.

Practical Application at Self-Awareness

Paano ba ‘to i-apply sa totoong buhay? Simulan mo sa pagiging aware sa thoughts mo. Positive ba sila or negative? In line ba sila sa gusto mong ma-achieve or sa kinakatakot mo? Ang next step, consciously shift your focus. Palitan ang negative thoughts with positive affirmations. Hindi ito biglaan; kailangan ng practice at patience. Pero unti-unti, habang nagbabago ang mindset mo, magbabago rin ang reality mo.

ACTION, Kasama ng Thoughts

Hindi sapat ang thoughts lang; kailangan ng action. Kung dream mo mag-start ng business, thinking positively about it is the first step, pero kailangan mo rin ng concrete actions para maging totoo ‘yun – research, plan, at execute. Ang Law of Attraction, sabay ‘yan sa active effort. Kapag aligned ang positive thoughts mo sa purposeful action, parang nagtutulungan ang universe na magbukas ng doors at mag-create ng opportunities.

“Thoughts Are Things” – hindi lang siya concept, practical approach siya sa life. Sa pag-master mo ng thoughts mo at pag-combine mo sa action, pwede mong i-transform ang dreams into reality. Embrace this philosophy para makagawa ka ng life na fulfilling at successful.

The post Gumagana ba talaga ang Law of Attraction? #Manifesting appeared first on Pera Thoughts.

Isa sa mga challenges ng mga nangangarap magsimula ng isang negosyo ay yung kawalan ng idea sa sisimulang negosyo, kakulangan sa knowledge at lakas ng loob. Pero sabi ko nga, lahat naman ng bagay ay natututunan. Ang tanong lang naman ay gusto mo bang matuto? E ang manalo, gusto mo rin ba?

Bihirang opportunity itong mga ganitong events na tuturuan ka nang magnegosyo, mas chance ka pang manalo. We are very blessed kasi may ganitong event from Condura.

Kung matatandaan mo, nagkaroon na sila ng ganitong event last October. Personally, marami akong natutunan doon. And I am really looking forward sa mga bagong matututunan ko pa dito sa Condura Negosyo Plus Episode 2, Win Like A Pro.

Isa sa dapat mong abangan for this episode ay yung mga ideas from aspiring Pinoy Negosyante. Sa mga ideas pa lang, siguradong sulit na ang oras na ilalaan mo sa panonood. Kasama sa mga Negosyante Contestants sina:

Janet Bachoco, the Queen of Flavored Leche Flan.

Anjou de los Reyes, inventor of Fusion Sisig.

Jenneth Olaes, Gourmet Bangus Guru.

Zohra Abdulwahab, creator of Halal Tocino, Tapa, and more.

Marlyn Bagayan, Master of Mushroom Food Products.

Sigurado akong marami kang mapupulot na idea at mga kaalaman sa pagnenegosyo mula sa kanila. Excited ako na malaman kung paano sila nag-come up sa mga business ideas nila. Kakaiba kasi.

Minsan kasi, iniisip natin na wala nang pwedeng bagong inegosyo kasi nagawa na lahat. Pero nakakabilib yung gaya nila na nagagawan ng o nalalagyan ng twist sa mga negosyo nila.

At syempre, nakadagdag pa sa excitement yung mga raffles. Alam kong gusto mo yun kaya huwag mong palampasin ito.

Kaya naman, SAVE THE DATE para sa Condura Negosyo Plus Episode 2, Win Like A Pro. Sa Sabado na ito, November 20. Puntahan mo na ngayon yang link at i-click mo yung “Going” para ma-remind ka rin ni Facebook for the event.

Kita-kits tayo sa event ha? Sabay-sabay tayong matuto at manalo kasama si Condura sa Condura Negosyo Plus Episode 2, Win Like A Pro. Sama-sama tayong maging WINNER SA NEGOSYO, WINNER SA LIFE!

The post Matuto at Manalo sa Condura Negosyo Plus Episode 2, Win Like A Pro appeared first on Pera Thoughts.

Alam mo? hindi yan imposible. Pero sa ilang mga kadahilanan, ang pangarap mong pag-asenso ay pwedeng manatiling pangarap na lang.

May mga dahilan kung bakit hindi ka umaasenso. Pero wag kang mag-alala dahil mayroon ka namang pwedeng gawin para mabago yan.

Mga Dahilan Kung Bakit Hindi Ka Umaasenso At Ano ang Pwede Mong Gawin Para Baguhin Ito

Simulan na nating alamin ang mga dahilan kung bakit hindi ka umaasenso at ano ang pwede mong gawin para baguhin ito.

#1 Tamad ka.

Walang taong tamad ang umaasenso sa buhay. May nakilala ka na bang mayamang tao pero tamad? Wala naman di ba?

Ngayon, tatanungin kita. Tamad ka ba?

Alam mo, lahat tayo ay dinadaanan talaga ng katamaran. Pero dapat, yang katamaran na yan ay dumadaan lang. Hindi yan dapat nagtatagal. Kasi kapag nagtagal yan, nagiging habit na yan. Isipin mo na lang kung maging habit mo ang katamar’an. Magpaalam ka na sa mga pangarap mo kapag ganyan.

Marami ring dahilan kung bakit tayo tinatamad. Mayroon ako ditong list ng apat na dahilan kung bakit ka tinatamad at ano ang pwede mong gawin para baguhin ang mga ito.

Un, kulang ka sa motivation.

Naniniwala akong may natatago kang sipag. Kulang ka lang sa push. Kulang sa tulak. Kulang sa motivation. Kapag ganito, subukan mong manood ng mga motivational videos para ma inspire ka. Kumbaga, kailangan lang na magkaroon ng apoy sa puso mo para magkaroon ka ng sipag para sa pangarap mo.

Pangalawa, takot ka sa failure.

Minsan, kaya ka tinatamad kasi takot kang pumalpak. Kapag pumalpak ka, mapapahiya ka. At syempre, ayaw mo yung pakiramdam nang napapahiya. At dyan na papasok ang katamaran. Dahil sa takot mo sa failure, tatamarin ka nang gawin yung bagay na kailangan mong gawin para umasenso.

Alam mo, part ng buhay ang failure. Kailangang matanggap mo sa sarili mo ito. Normal lang ang mag fail. Dahil dito ka matututo. Basta siguraduhin mo lang na sa bawat failure mo ay may natututunan ka. Sayang naman yung experience kung wala kang natutunan.

Pangatlo, nalulula ka sa taas ng pangarap mo.

May mga nagsasabi na huwag ka raw mangangarap nang mataas kasi baka hindi mo yun maabot. Ikaw naman na mataas ang pangarap, maiisip mo nga na baka nga hindi mo maabot ang pangarap mo kasi sobrang taas.

Walang masama sa pangangarap nang mataas. Mabuti pa nga yan. Baka nalulula ka nga lang. Kapag ganito, mas makakabuti kung hatiin mo sa maliliit na goals ang pangarap mo. 

Ganito. Ang pangarap mo ang ultimate goal mo. Mataas talaga yan at mahirap abutin. Ngayon, hatiin mo ang ultimate goal mo sa maliliit na goals. Magsisilbi ang mga itong hagdan mo para maabot mo ang iyong ultimate goal. Gawin mo lang itong one small goal at a time. Mas achievable at realistic na itong ganito. Maganda rin kasi makikita mo ang progress mo. Kapag ganito, hindi ka na malulula sa taas ng pangarap mo kasi makaka focus ka sa mga small goals mo.

At para sa pang apat na dahilan kung bakit ka tinatamad. Hindi mo gusto ang ginagawa o trabaho mo.

Minsan pumapasok tayo sa trabaho na hindi natin talagang gusto dahil sa malaking pangangailangan sa pera. Maraming tao ang ganito. Dahil sa pangangailangan, papasukin ang trabahong hindi nila gusto. Nakakatamad talaga kapag ganito.

Ikaw ba? Tinatamad ka ba kasi hindi mo gusto ang ginagawa o trabaho mo?

Kung oo ang sagot mo, huwag mo namang basta iiwan ang trabaho na hindi mo gusto kung wala kang ibang pagkukunan ng ikabubuhay mo. Sa halip, magkaroon ka ng side hustle. At sa pagkakataong ito, siguraduhin mo na ang magiging side hustle mo ay yung trabahong gusto mo.

Kapag ganito ang ginawa mo, magkakaroon ng panibagong sigla ang buhay mo. Dahil magiging masaya ka sa side hustle mo, mahahawa na rin dyan ang trabaho na kinatatamaran mo. Pagbutihan mo rin sa side hustle mo para pag dumating yung panahon na mas malaki na ang kinikita mo sa side hustle mo, pwede mo na itong ipalit sa trabaho mo.

Yan ang apat na posibleng dahilan kung bakit ka tinatamad. Nariyan na rin ang mga paraan para tulungan kang baguhin yan. 

Balik na tayo sa iba pang dahilan kung bakit hindi ka umaasenso at ano ang pwede mong gawin para baguhin ito. 

#2 Hindi ka nauubusan ng excuses.

Alam mo ba yung kasabihan na kapag gusto, may paraan. Kapag ayaw, maraming dahilan. Ito yun. Hindi ka aasenso kapag hindi ka nauubusan ng dahilan. Kung totoong gusto mo talagang umasenso, hahanap at hahanap ka ng paraan. Kahit na sangkatutak pa ang mga excuses, hahanap ka ng isang paraan para lang sa katuparan ng pangarap mo. Para sa pag-asenso ng buhay mo.

Alam mo ba na sa tuwing magpapatalo ka sa excuses mo, ikaw mismo ang gumagawa ng problema. Kasi gumagawa ka ng dahilan para hindi ka umasenso.

Kung ganyan ka, kailangan mong baguhin agad yan. Don’t worry! Kayang kaya mo yan. Bawasan mo ang overthinking. Siguro kasi ay sobra mo nang pinag-iisipan ang mga kailangan mong gawin. Nao-overwhelmed ka na. Kumbaga, harapin mo ang problema, one problem at a time. Kapag ganyan, mas makakapag-isip ka ng maayos at alam mo sa isip mo na kayang kaya mo yang gawan ng paraan. At sa ganyan, hindi ka na gagawa ng iba pang dahilan. 

#3 Masyado kang umaasa sa iba.

Magaan ang buhay kapag may tumutulong sa iyo. Pero baka naman masyado ka na lang umaasa sa tumutulong sa iyo. Hindi na maganda yang ganyan. Asa sa magulang, asa sa kamag-anak, asa sa gobyerno.

Karamihan sa mga palaasa ay nakakampante ang loob nila kasi alam nilang may aasahan sila. Parang ayaw na nilang kumilos kasi alam nila na hindi sila pababayaan ng taong inaasahan nila.

Hindi porke may tumutulong sa iyo ay aasa ka na lang nang aasa sa kanila. At isa pa, hindi rin habangbuhay ay nariyan sila para tumulong sa iyo. Baka kasi hindi mo pa alam nagiging pabigat ka na rin sa kanila. May sarili rin silang buhay. Kaya ikaw mismo, tulungan mo rin ang sarili mo at huwag puro asa na lang.

Paano mo naman matututunan na huwag umasa sa iba?

Una, magtiwala ka sa sarili mong kakayahan. Lahat tayo ay may kanya kanyang kakayahan na bigay ng Diyos sa atin. Gamitin mo ang kakayahan na yan. Pagyamanin mo. At malay mo, iyan din ang magpapayaman sa iyo. Tandaan mo, pinagkatiwalaan ka ng Diyos sa kakayahan mo, kaya magtiwala ka rin sa sarili mo. Saka sa sobrang asa mo sa iba, nasasayang lang ang kakayahan at talentong pinagkaloob sa iyo.

Pangalawa. Lakasan mo ang loob mo. Huwag kang matakot na malugmok. Sabi nga sa isang kasabihan, when you hit rock bottom, the only way is up. Oo, makakaranas ka ng hirap at pwedeng mag-fail ka. Pero part yan ng buhay. Kailangan mong pagdaanan yan para matuto ka. 

Ang good news dyan, habang natututo ka at nagkakaroon ng iba’t ibang experience, mas gumagaling ka at tumatatag. Kakayanin mo yan nang hindi umaasa sa iba.

#4 Ayaw mong matuto ng bago.

Lahat ng bagay sa buhay ay napapag-aralan. Lahat ng skill ay pwedeng matutunan. Gaya na lang noong bata ka pa. Nag-aral at natuto kang maglakad, magsalita, magbasa, at magsulat. 

Ganyan din kapag adult ka na. Kung gusto mong umangat at umasenso, huwag kang magpapawala ng kagustuhang matuto. Dapat palagi kang natututo ng bago o kaya naman ay nagiging master sa paggawa ng isang bagay.

Sa bilis ng takbo ng teknolohiya ngayon, kung hindi mo pag-aaralan, maiiwan ka ng panahon. Isipin mo na lang ito. Kapag may bagong teknolohiya, mayroon ding bagong opportunity para kumita, may bagong opportunity para umasenso. Kaya huwag mong hayaan lumampas na lang nang lumampas ang bawat opportunity.

#5 Takot kang mabigo.

Nakakatakot naman talaga ang ma bigo. Masakit kasi sa feeling.

Minsan malulugmok ka nang sobra. Pagtatawanan ka. Kukutyain ka.

Walang may gusto ng ganyan. Pero tanungin mo ang sarili mo. Hindi ka na lang ba kikilos dahil sa fear mo sa failure? Hindi mo na ba gugustuhing umasenso dahil takot kang ma bigo? Hahayaan mo na lang bang lamunin ka ng fear na yan?

Kung nakakalamang ang kagustuhan mong umasenso, magpatuloy ka lang sa panonood ng video na ito at ganito ang gawin mo.

Una, tanggapin mo sa sarili mo na kasama sa kagustuhang magtagumpay ang pagkabigo o failure. Dahil ang bawat failure ay nakakatulong para palakasin ka at inihahanda nito ang sarili mo para sa tagumpay. Kaya huwag kang sumuko kaagad.

Pangalawa, ang failure ay hindi ang katapusan ng lahat. Tanungin mo ulit ang sarili mo. Ang failure ba ang end goal mo? Hindi naman di ba? 

Pwes! Huwag kang matakot sa failure dahil hindi yan ang end goal mo.

#6 Hindi ka marunong sa pera.

Kasabay ng pag-asenso ang pagdami ng iyong pera. Mahalaga na marunong kang humawak ng pera. Dahil kung hindi, ikakasira ito ng cash flow mo. 

Marunong ka bang mag-manage ng pera mo?

Kung aminado kang hindi ka marunong sa pananalapi, ngayon pa lang ay simulan mo nang pag-aralan ito.

Simple lang ito. Hindi mo kailangang magsimula sa malaking halaga. Mas mabuti pa nga na masimulan mo ito sa maliit na halaga pa lang.

Sabi nga nila, kung hindi mo raw magagawang mag-manage ng isang libong piso, hindi mo rin kayang mag-manage ng sampung libong piso. Kaya magsimula ka sa maliit o sa kung magkano ang mayroon ka.

Bibigyan pa kita ng karagdagang tips.

Alamin ang pinagkaiba ng NEEDs at wants. I-prioritize mo palagi ang needs.

Matutong mag-budget. Sa pamamagitan ng tama at maayos na pagba-badyet, magiging maayos din ang iyong cash flow. Maiilaan mo ang iyong kinikita kung saan ito mas nararapat mapunta.

Dagdagan ang kita. Mas madaling ayusin ang cash flow kapag mas malaki ang pumapasok na pera. Maraming paraan para dagdagan ang kita. Pwede kang makipag-negotiate para mapataas ang sweldo mo. Pwede kang magnegosyo kahit sa maliit na puhunan lang. Pwede kang magsimula ng isang side hustle. Tandaan! Kapag gusto, may paraan.

#7 Sarado ang isip mo.

Sarado ang isip mo sa maraming bagay. Kung ano ang alam mo, doon ka lang naka-focus.

Isipin mo ito. May dahilan kung bakit hindi ka umaasenso. Pero dahil sa sarado ang isip mo para dito, malamang ay hindi mo ito nakikita.

Sarado ang isip mo sa mga opportunities. Sarado ang isip mo para sa mga kaya mong gawin.

Kapag ganito, kailangan mong magkaroon ng positive mindset. Isa sa dahilan ng pagiging sarado ng isip mo sa mga bagay-bagay ay ang pagkakaroon ng negative mindset. Kailangan mong mapalitan yan ng positive mindset.

Makakatulong kung magbabasa ka o manonood ng mga success stories. Sa ganitong paraan, mai-inspire ka at magiging motivated.

Makakatulong din ang simpleng paglalakad-lakad lang. Minsan kasi, masyadong maraming negative vibes sa environment natin kaya nahahawa tayo. Malaking tulong kung maglalakad-lakad ka sa mga lugar na makakapagbigay ng good vibes gaya ng mga park. 

Yan na ang pitong mga dahilan kung bakit hindi ka umaasenso at kasama na nyan ang mga pwede mong gawin para baguhin ang mga yan. Pweder mo ring mapanood ang video version ng post na ito sa Youtube:

The post Mga Dahilan Kung Bakit Hindi Ka Umaasenso At Ano ang Pwede Mong Gawin Para Baguhin Ito appeared first on Pera Thoughts.

“Everything begins with an idea.”

Isa ito sa mga paborito kong quote na nakakapag-inspire sa akin para sa Pera Thoughts. And yes, it all started with an idea.

Let me tell you a very short story about sa idea ni Pera thoughts.

Sinimulan ko ang Pera Thoughts hindi dahil sa marami akong alam sa pera, kundi dahil sa palagi akong mabilis maubusan ng pera. Parang dumating yung time na na-realized ko na lang na yearly naman tumataas ang sweldo ko pero palagi pa ring walang nangyayari. Walang naiipon at walang naiipundar.

So, I came up with an idea na kailangan kong i-force yung sarili ko. Then, Pera Thoughts was born.

Nakakagulat lang na andaming tumangkilik sa Pera Thoughts. Nagsimula lang kasi ito as a Facebook Page kung saan nagpo-post ako ng mga quotes na patama ko lang din naman sa sarili ko. Kumbaga, pang motivate ko lang sa sarili ko. Hanggang na dumami na ang followers, then nagkaroon na ng blog, instagram, at ang latest ay TikTok and Youtube channel.

Kung iisiping mabuti, napakasimple lang ng idea ng pagsisimula ko sa Pera Thoughts. Pero nag-grow ito.

Kaya kung mayroon kang mga itinatagong idea sa isipan mo, ilabas mo yan. Gawin mo yang simula. 

Anyways, enough na with Pera Thoughts kasi this is for making your negosyo idea a reality.

Marami sa atin ang sure ako na may idea sa pagnenegosyo pero hindi nya lang talaga maisip kung paano masisimulan.

Good thing na nandyan si Condura to help.

By the way, naka-attend ka ba sa event ni Condura noong nakaraan na Condura Negosyo Plus | Learn From a Pro, Win Like a Pro!

Kasi kung naka-attend ka sa event na yun ni Condura, sigurado akong na-inspire ka, na-hype, o baka nagkaroon ka pa ng mga bagong idea sa pagnenegosyo at sa finance.

Kung nagkaroon ka ng negosyo idea, kahit gaano pa man kasimple yang idea mo, may chance na yang dream business mo ay maging reality with the help of Condura.

Naniniwala kasi si Condura sa galing ng mga negosyanteng Pinoy. Kaya naman maniwala ka rin sa sarili mo na kaya mong gawing reality yung dream business mo.

So, excited ka na ba at yung idea mo na maging reality?

Join ka na sa Negosyo Plus from Condura.

Simple lang ito. Ishe-share mo lang yung business idea mo kay Condura. By joining, magkakaroon ka ng chance to pitch your business idea to the pros. At hindi lang yun, dahil may chance ka pang manalo ng mga negosyo prizes.

Simple lang din ang pagsali. Kumpletuhin mo lang ang form na ito: .

Simple lang di ba?

So, ready ka na ba na i-share ang negosyo idea mo? Join ka na!

Ang announcement ng winner dito ay sa November 20. Pero huwag mo nang hintayin pa ang date na yun. Ngayon pa lang, mag-share ka na ng idea with Negosyo Plus from Condura.

“Ideas without action are useless.”

Hellen Keller

Huwag mong hayaang maging useless yung idea mo. Take action, NOW!

The post Gawing Reality ang Dream Business Mo with Negosyo Plus from Condura appeared first on Pera Thoughts.

Walang pinagkaiba yan pagdating sa pagnenegosyo. Mas madali kapag may partner ka na naka-sync kayo ng goal. Mas madali kasi sabay niyong ipu-push yung negosyo nyo papunta sa same goal ninyo.

For me, mahalaga yung pagpili mo ng partner mo sa kahit na anong aspeto ng buhay. At palaging long-term ang nasa isip natin kapag ganyan. Hindi ka naman siguro pipili ng partner na bukas o sa isang araw ay papalitan mo na, di ba?

Well, bago pa mapunta sa kung saan itong usapang partner, diretsahin ko na ang tinutukoy ko dito ay ang Condura bilang isang partner sa negosyo.

Syempre, yung partner mo, dapat matibay.

Dapat pangmatagalan.

Dapat hindi ka iiwan.

Yan ang Condura.

But wait, there’s more!

Ano kaya kung yung partner mo ay tutulungan kang matuto sa pagnenegosyo?

Okay ba yun?

E yung bibigyan ka ng chance na manalo ng appliances na pwede mong magamit sa pagnenegosyo?

Mas okay, di ba?

Kung okay na okay sayo yang ganyang partner, I am inviting you to attend a Facebook Live Event hosted by Condura. Ito ang mga details:

Condura Negosyo Plus | Learn From a Pro, Win Like a Pro!

Date: SATURDAY, OCTOBER 16, 2021 AT 4 PM

Ito yung link for the event: Condura Negosyo Plus | Learn From a Pro, Win Like a Pro!

Nakaka-excite yung chance na manalo! Pero mas nakaka-excite yung mga matututunan mo sa mga guests speakers nila.

For this event, maririnig natin ang experience nina:

Maye Ilagan, owner of Carlito’s Kitchen, kung saan gumagawa at nagtitinda sila ng mga healthy frozen goods. 

Yvonne Bautista, ang Tinderang Vlogger. Kung may sari-sari store ka o may balak kang magsimula ng isang sari-sari store, sigurado akong marami kang matututunan kay Ms. Yvonne.

And Rose Fres Fausto, FQ Mom. Personally, follower ako ni FQ Mom. Marami akong natututunan sa blog nya about finance. For this event, sure ako na marami ka ring matututunan sa kanya.

O di ba? Exciting! Sa dami ng matututunan mo dito, mas palapit ka na nang palapit sa #NegosyoGoals mo.

At syempre, may RAFFLE! 

Click this link to join the event >> Condura Negosyo Plus | Learn From a Pro, Win Like a Pro!

P.S. May RAFFLE!

The post Matuto at Manalo sa Condura Negosyo Plus | Learn From a Pro, Win Like a Pro! Facebook Live Event appeared first on Pera Thoughts.

Ang pinag-uusapan natin dito ay yung mga negosyong pwede mong simulan sa halagang isang libong piso (₱1000) o mas mababa pa.

Okay! Let’s begin. 

6 Negosyong Pwedeng Simulan sa Maliit na Puhunan

#1 Magbenta ka ng yelo, ice candy, o ice pop. 

Kung mayroon kang refrigerator na may freezer, at hindi naman palaging napupuno, gamitin mo iyan para makapagsimula kang makapagbenta ng yelo. Hindi lang tuwing summer ma benta ang mga ito dahil kahit tag-ulan na, marami pa rin ang bumibili ng yelo. Ginagawa rin namin ito, at sa maniwala ka man o hindi, yung kinikita namin sa pagbebenta ng yelo, sumasapat na pambayad ng bill namin sa tubig kada buwan. At kung may sobra, pandagdag na rin sa pambayad sa kuryente. Malaking bagay na yan at tulong para sa mga gastusin.  

Masisimulan mo ang negosyong ito kahit sa puhunan lang na ₱50-₱100. 

#2 Magbenta ka ng frozen goods. 

Ang halimbawa nito ay hotdog, tocino, ham, at marami pang iba. 

Pwede mo itong isabay sa pagbebenta mo ng yelo kung may space pa sa freezer mo. O kaya naman ay puro frozen goods na lang ang ibenta mo. Ma benta ang mga frozen goods kahit na anong panahon. Kahit pa ngayong panahon ng pandemic.  

Pwede mong sabihin sa mga kapitbahay mo na may tinda kang frozen goods para sila ang maging una mong customer. 

Pwede mong simulan ang negosyong ito sa puhunan na dalawandaan hanggang limang daang piso. 

#3 Buy and sell. 

Ginagawa rin namin ito.

Maraming bagay ang pwede mong i-buy and sell. Sa totoo lang, mahirap pumili ng pwede mong ibenta. Nakadepende rin kasi yan sa budget mo. Pero dahil sa ang topic natin ngayon ay mga negosyo sa maliit na puhunan, focus lang tayo sa mga produkto na maliit lang ang halaga. 

Ganito ang diskarte namin na pwede mo ring gawin. 

Una, tumingin kami sa mga bagay na ginagamit namin dito sa bahay. O yung mga bagay na madalas naming bili hin. Tapos, humanap kami ng mabi bilihan online. Mas okay kung makakabili ng wholesale para mas mura. Tapos, bumili kami nang marami at ibinenta namin dito sa amin. 

Bale ang ginagawa talaga namin ay buy bulk online, and sell offline. 

BASAHIN: Mga Bagay na Pwede Mong Ibenta Online

Hindi namin ina lala kung walang bibili ng product na ito kasi madalas din naman namin itong gamitin. Pero, syempre, laking tuwa namin dahil bumenta rin ito din sa amin. 

#4 Magbenta ka ng almusal o meryenda. 

Huwag mo agad isipin kung saan mo ipupwesto ang tindahan mo ng almusal o meryenda. Kasi sa negosyong ito, pwede kang magsimula kahit sa bahay lang. May kilala akong gumagawa nito kahit nasa bahay lang sila. Nagbebenta sila sa pamamagitan ng social media. Kapag may order, pwedeng i-deliver. Free delivery lalo na kung malapit lang naman. Syempre, may additional na kapag medyo malayo na. 

Sa almusal, pwede kang magbenta ng iba’t ibang silog. Tapsilog, hatsilog, longsilog, at iba pa. Pwede ka ring magtinda ng lugaw, sopas, tsampurado, at iba pang classic na almusal ng mga pinoy. 

Sa meryenda naman, pwede kang magbenta ng turon, banana-Q, fishball, kwek-kwek, burger, fries, puto, kutsinta, siomai at iba pa. 

Tip lang, wag mo silang ibenta sabay-sabay sa isang araw. Magkaroon ka ng menu of the day. Halimbawa, ngayong araw na ito, ang almusal na ibebenta mo ay champurado, at sa meryenda naman ay turon at puto. Mas okay yang ganyan para hindi madaling magsawa ang mga customer mo. Wag kang matakot sumubok ng diskarte dahil siguradong makakahanap ka ng kombinasyon na papa talk para sa iyo. 

Kung ina alala mo naman na baka hindi maubos ang paninda mo, gawin mo itong made-to-order. Halimbawa, sa araw na ito, iaalok mo na yung mga lulutuin mo kinabukasan. Gumawa ka ng listahan kung ilan ang oorder. At kung ilan lang ang order sa iyo, yun lang ang gagawin mo. Nasa iyo na lang kung magpapa sobra ka pa. Sa ganyang paraan, hindi mo aalalahanin na baka hindi maubos ang paninda mo. 

Pwede mong simulan itong almusal at meryenda business mo sa halagang ₱200 hanggang isang ₱1000. 

#5 Loading business. 

Hindi mo kailangan ng malaking halaga sa negosyong ito. Kahit ₱100 nga ay pwede mo na itong simulan. Yung loading business namin, sinimulan lang namin sa halagang one hundred pesos lang talaga. Pinaikot lang namin ang puhunan hanggang sa dumami na. 

Wala kaming retailer sim. Ang ginagamit namin sa loading business namin ay coins.ph, Gcash, at Paymaya. Pero pinaka-favorite ko jan ay sa coins.ph. Mas mataas kasi ang cashback kumpara sa iba.  

Pwede mong simulan ang loading negosyo na ito sa halagang ₱100 lang. Pero mas okay kung mayroon ka kahit ₱1000 para mas malaki ang perang paiikutin mo. 

#6 Cash in and cash out. 

Kasabay na ito ng loading business. Marami ang nagpapa cash in at cash out sa Gcash at Paymaya kaya samantalahin mo na rin ang pag-ooffer ng ganitong service kung may loading business ka. Limitasyon dito kapag malaki ang halaga na kailangang i-cash in o cash out ng customer mo. Dahil sa maliit lang ang puhunan mo, baka hindi mo pa agad kayanin ang malalaking transaksyon. Pero huwag naman sana iyang maging dahilan para hindi ka makapagsimula. 

Simulan mo ito kahit sa halagang ₱1000 lang. Mapaparami mo din iyan sa maikling panahon lang. 

Yan ang anim na maliit na negosyong pwede mong simulan kahit na sa maliit na puhunan lang. O ano? May napupusuan ka bang simulan sa mga yan? 

Pwede mo rin palang panoorin ang video version ng article na ito sa Youtube. Doon sa video, ini-reveal ko ang dalawang product na ibina-buy and sell namin.

I-summary ko lang ha? Ito yung 6 na negosyong pwedeng simulan sa maliit na puhunan.

1. Magbenta ng yelo, ice candy, o ice pop. 
2. Magbenta ng frozen goods. 
3. Buy and sell. 
4. Magbenta ka ng almusal o meryenda. 
5. Loading business. 
6. Cash in and cash out. 

The post 6 Negosyong Pwedeng Simulan sa Maliit na Puhunan appeared first on Pera Thoughts.

Parang ganito yan. Alam natin ang dapat nating gawin, pero hindi natin alam kung paano, o kung paano gawin nang tama. At yan ang isa sa mga matututunan mo dito ngayon.

Tatanungin kita, mahirap ba ang mag-ipon? 

Sa aking palagay, mas marami ang magsasabi na mahirap mag-ipon. Kasi kung madali lang ang mag-ipon, malamang ay hindi gaanong marami ang mga taong nagkakaproblema sa pera.

Mahirap ang mag-ipon. Pero hindi ibig sabihin na imposible ito.

Wag kang mag-alala dahil may ituturo akong 6 na tricks kung paano makaipon ng pera nang mabilis. Ang mga ito ay psychological tricks na pwede mong gawin para mapwersa mo ang iyong isipan para mag-ipon. 

6 Psychological Tricks Para Makaipon ng Pera nang Mabilis

#1 Imagine your future (mayaman) self.

Magkakaiba tayo ng definition ng pagiging mayaman. May mga tao na para sa kanila, ang mayaman ay yung maraming pera na kayang bilihin ang kahit na anumang gusto niyang bilihin. Iyan ay para sa kanila. May mga tao naman na ang pagiging mayaman ay yung nakakapunta sila sa mga lugar na gusto nilang puntahan kahit na kailan pa man nila gustuhin nang walang ibang inaalala. Pero para sa iyo, ano ba ang pagiging mayaman? Imagine mo ang future self mo sa sarili mong depinisyon ng pagiging mayaman.

Palagi mo itong gawin at ituring na motivation mo.

Ito yung sinasabi nila na “start with an end in mind“. Magsisimula ka na nakikita mo yung goal mo. 

#2 Automatic deduction.

Mahirap mag-ipon. Pero sa pamamagitan ng automatic deduction, mas magiging madali na ang pag-iipon. Una, kasi automatic na ang pag-iipon. At pangalawa, hindi mo mahahawakan ang pera kaya mas malaki ang chance na hindi mo ito magagastos.

Paano ba itong automatic deduction?

Halimbawa, pwede mong i-set na tuwing petsa ng sweldo mo, automatic nang magbabawas ng para sa savings mo ang bangko mo at ilalagay ito automatically sa hiwalay mong bank account. Sa ganyang paraan, kung ano ang pera na matitira sa ATM mo, ay yun na lang ang pagkakasyahin mo sa gastusin mo. Di mo na aalalahanin ang ipon mo kasi automatic na sya.

Pero paano naman kung walang bank account?

Kung wala ka namang bank account, gawin mo na lang itong trick number three. Okay na okay ito kahit na sa alkansya ka pa nag-iipon. 

#3 Bigyan mo ng pangalan ang ipon mo.

Mahirap mag-ipon, lalo na kung wala kang pinag-iipunan. Pero iba kapag meron kang pinag-iipunan. Mas motivated ka. Pero mas magiging okay pa yan kung magiging connected ka sa ipon mo. At para magkaroon ka ng personal na connection sa ipon mo, bigyan mo sila ng pangalan na konektado sa buhay mo.

Basahin: Mga Bagay na Dapat Mong Pinag-iipunan

Halimbawa, yung isang alkansya mo, pangalanan mo ng Magandang Future ni Baby Junior. Yung isa naman ay Paborito kong BTS Album. At isa naman para sa Maintenance ni Mister.

Kapag nilagyan mo ng ganyan ang ipon mo, mapa-bank account man o alkansya, magdadalawang isip kang bawasan ang ipon mo at mamo-motivate ka naman na dagdagan ito, kasi inilaan mo na iyan para sa isang specific na bagay na konektado sa buhay mo. 

#4 Gumamit lang ng cash.

Convenience ang dala ng pagkakaroon ng credit card. Pero kapag wala kang kontrol, baka ito pa ang maging dahilan kung bakit ka mapupunta sa hindi magandang kalagayan. Hindi naman masama ang paggamit ng credit card kung ikaw ay disiplinado at kung alam mo kung paano i-take advantage ang mga promos na mayroon sila. Pero karamihan kasi sa mga taong nalulubog sa utang sa credit cards ay yung mga taong bili nang bili. Isa sa dahilan kung bakit sila bili nang bili ay hindi nila nakikita ang totoo nilang kapasidad sa pagbili. Kumbaga, hindi nila nakikita kung magkano pa ang kanilang pera.

Ito ang nabibigyan ng solusyon kapag bumibili ka gamit ang cash. Nakikita mo kasi kung magkano na lang ang laman ng wallet mo. Kapag kakaunti na ang laman ng wallet mo, mas mataas ang chance na hindi ka na bibili. 

#5 Mag-compute ka base sa kinikita mo kada oras.

Karamihan sa atin ay buwanan o kaya naman ay dalawang beses kada buwan kung sumuweldo. Pero iilan lang ang nakakaalam kung magkano nga ba ang kanilang kinikita kada oras. Kung alam mo kung magkano ang kinikita mo kada oras, maaaring magbago ang pananaw mo sa paggastos.

Halimbawa. Kung ikaw ay may sweldo na ₱ 12,000.00 kada buwan, nagtatrabaho ng 20 araw kada buwan, at 8 oras kada araw, ikaw ay kumikita ng ₱ 75.00 kada oras. Hindi pa kasama dyan yung mga kaltas ha?

Ngayon, kung bigla mong nagustuhan na bumili ng mamahaling kape na nagkakahalaga ng ₱ 120.00, isipin mo na lang na kailangan mong magtrabaho ng isang oras at kalahati para kitain mong muli ang perang gagastusin mo para sa mamahaling kape. Sa ganyang paraan, mas bibigyan mo na ng halaga ang pera mo kasi alam mo kung ilang oras ang ginugugol mo para kitain ito.

Itong Trick #5 ang favorite ko dito sa list natin kung paano makaipon ng pera nang mabilis. Kasi nag-iiba talaga yung pananaw ko sa pagbili kapag sa ganitong paraan ako nagko-compute.

#6 Mag-focus ka sa pagdadagdag ng income.

Kung gusto mo talagang mapabilis ang pag-iipon mo, kailangan mong gumawa ng paraan para magkaroon ka ng karagdagang income. Sa panahon ngayon, halos sapat lang kung iisa lang ang source of income mo. Kaya para sa mga financial goals mo, humanap ka ng iba mo pang pagkakakitaan. Gamitin mo ang free time mo para kumita ka ng pera. Isipin mo na lang na kapag nadagdagan ang kita mo, mas mabilis mo nang makakamit o mas mabilis mong mararating ang inisip mong future (mayaman) self.

Yan ang ating mga tips kung paano makaipon ng pera nang mabilis.

Maraming salamat sa pagbabasa. Sana ay marami kang natutunan at sana ay isabuhay mo ang mga ito dahil siguradong malaki ang maitutulong ng mga ito sa iyo.

Pwede mo ring mapanood ang video version ng blog post na ito dito sa ibaba o kaya naman ay sa Pera Thoughts Youtube Channel.

The post Paano Makaipon ng Pera nang Mabilis appeared first on Pera Thoughts.