Kung bago ka sa idea ng manifestation, parang ang hirap paniwalaan, ‘di ba? Pero kung goal mo ang success, sobrang powerful ng statement na ‘to. Dito nakatago ‘yung pinaka-precious na secret ng life.

Lahat ng bonggang achievements, nagsisimula sa isang thought lang. Tingnan niyo ‘yung Wright brothers – pangarap lang nila dati na makalipad. Dahil sa thought nila, naging reality ‘yun, at tayo ang nag-eenjoy ngayon. Si Donald Trump, dream niyang yumaman. Dahil sa vision niya, na-meet niya ‘yung tamang tao at opportunities, at ayun, naging rich siya. Si Bill Gates, may idea siya na gawing madali ang paggamit ng computer at accessible sa lahat. Nangyari ‘yun! Lahat sila, naintindihan ‘yung isang mahalagang prinsipyo: ang Law of Attraction.

Ano ba ‘yung Law of Attraction?

Sabi ng Law of Attraction, ‘yung mga magkakapareho, nag-a-attract. Parang katulad sa kasabihan na, “birds of the same feather flock together.” Ang lahat nag-uumpisa sa thought, at malaki ang role ng Law of Attraction sa pag-manifest ng thought, ganito ‘yun:

ISANG THOUGHT → nag-a-attract ng KATULAD NA THOUGHTS → na nagdadala ng MGA TAO NA MAY KATULAD NA THOUGHTS → na lumilikha ng SITUATIONS NA IN LINE SA MGA THOUGHTS NA ‘YON → leading to REALIZATION NG DESIRED OUTCOME.

Nature ng Thoughts

Hindi ako expert dito ah, pero sa tingin ko, ang mga thoughts ay parang raw energy na naghihintay lang na mabuo. Totoo sila, kagaya ng electricity na hindi mo nakikita pero alam mong nandiyan. Lahat kasi ng naimbento o nalikha sa mundo ay nagsimula sa isang thought (idea). ‘Yung transformation ng idea from imagination to physical reality, na-drive ‘yun ng patuloy na pag-iisip.

Importance ng Positivity at Impact nito sa Buhay

Ang pag-intindi sa power of thoughts ay hindi lang para sa material success; para rin ‘to sa pag-transform ng buong buhay mo. Ang mindset mo ay pwedeng maka-influence sa lahat, mula sa health hanggang sa relationships. Kapag positive ang outlook mo, mas maganda ang nadadala mong circumstances. Pero kung negative lagi ang iniisip mo, baka ma-stuck ka sa hindi magandang sitwasyon. Hindi ito magic, reflection ito ng pag-influence ng mindset mo sa mga action mo at mga outcomes nito.

Practical Application at Self-Awareness

Paano ba ‘to i-apply sa totoong buhay? Simulan mo sa pagiging aware sa thoughts mo. Positive ba sila or negative? In line ba sila sa gusto mong ma-achieve or sa kinakatakot mo? Ang next step, consciously shift your focus. Palitan ang negative thoughts with positive affirmations. Hindi ito biglaan; kailangan ng practice at patience. Pero unti-unti, habang nagbabago ang mindset mo, magbabago rin ang reality mo.

ACTION, Kasama ng Thoughts

Hindi sapat ang thoughts lang; kailangan ng action. Kung dream mo mag-start ng business, thinking positively about it is the first step, pero kailangan mo rin ng concrete actions para maging totoo ‘yun – research, plan, at execute. Ang Law of Attraction, sabay ‘yan sa active effort. Kapag aligned ang positive thoughts mo sa purposeful action, parang nagtutulungan ang universe na magbukas ng doors at mag-create ng opportunities.

“Thoughts Are Things” – hindi lang siya concept, practical approach siya sa life. Sa pag-master mo ng thoughts mo at pag-combine mo sa action, pwede mong i-transform ang dreams into reality. Embrace this philosophy para makagawa ka ng life na fulfilling at successful.

The post Gumagana ba talaga ang Law of Attraction? #Manifesting appeared first on Pera Thoughts.

Alam mo? hindi yan imposible. Pero sa ilang mga kadahilanan, ang pangarap mong pag-asenso ay pwedeng manatiling pangarap na lang.

May mga dahilan kung bakit hindi ka umaasenso. Pero wag kang mag-alala dahil mayroon ka namang pwedeng gawin para mabago yan.

Mga Dahilan Kung Bakit Hindi Ka Umaasenso At Ano ang Pwede Mong Gawin Para Baguhin Ito

Simulan na nating alamin ang mga dahilan kung bakit hindi ka umaasenso at ano ang pwede mong gawin para baguhin ito.

#1 Tamad ka.

Walang taong tamad ang umaasenso sa buhay. May nakilala ka na bang mayamang tao pero tamad? Wala naman di ba?

Ngayon, tatanungin kita. Tamad ka ba?

Alam mo, lahat tayo ay dinadaanan talaga ng katamaran. Pero dapat, yang katamaran na yan ay dumadaan lang. Hindi yan dapat nagtatagal. Kasi kapag nagtagal yan, nagiging habit na yan. Isipin mo na lang kung maging habit mo ang katamar’an. Magpaalam ka na sa mga pangarap mo kapag ganyan.

Marami ring dahilan kung bakit tayo tinatamad. Mayroon ako ditong list ng apat na dahilan kung bakit ka tinatamad at ano ang pwede mong gawin para baguhin ang mga ito.

Un, kulang ka sa motivation.

Naniniwala akong may natatago kang sipag. Kulang ka lang sa push. Kulang sa tulak. Kulang sa motivation. Kapag ganito, subukan mong manood ng mga motivational videos para ma inspire ka. Kumbaga, kailangan lang na magkaroon ng apoy sa puso mo para magkaroon ka ng sipag para sa pangarap mo.

Pangalawa, takot ka sa failure.

Minsan, kaya ka tinatamad kasi takot kang pumalpak. Kapag pumalpak ka, mapapahiya ka. At syempre, ayaw mo yung pakiramdam nang napapahiya. At dyan na papasok ang katamaran. Dahil sa takot mo sa failure, tatamarin ka nang gawin yung bagay na kailangan mong gawin para umasenso.

Alam mo, part ng buhay ang failure. Kailangang matanggap mo sa sarili mo ito. Normal lang ang mag fail. Dahil dito ka matututo. Basta siguraduhin mo lang na sa bawat failure mo ay may natututunan ka. Sayang naman yung experience kung wala kang natutunan.

Pangatlo, nalulula ka sa taas ng pangarap mo.

May mga nagsasabi na huwag ka raw mangangarap nang mataas kasi baka hindi mo yun maabot. Ikaw naman na mataas ang pangarap, maiisip mo nga na baka nga hindi mo maabot ang pangarap mo kasi sobrang taas.

Walang masama sa pangangarap nang mataas. Mabuti pa nga yan. Baka nalulula ka nga lang. Kapag ganito, mas makakabuti kung hatiin mo sa maliliit na goals ang pangarap mo. 

Ganito. Ang pangarap mo ang ultimate goal mo. Mataas talaga yan at mahirap abutin. Ngayon, hatiin mo ang ultimate goal mo sa maliliit na goals. Magsisilbi ang mga itong hagdan mo para maabot mo ang iyong ultimate goal. Gawin mo lang itong one small goal at a time. Mas achievable at realistic na itong ganito. Maganda rin kasi makikita mo ang progress mo. Kapag ganito, hindi ka na malulula sa taas ng pangarap mo kasi makaka focus ka sa mga small goals mo.

At para sa pang apat na dahilan kung bakit ka tinatamad. Hindi mo gusto ang ginagawa o trabaho mo.

Minsan pumapasok tayo sa trabaho na hindi natin talagang gusto dahil sa malaking pangangailangan sa pera. Maraming tao ang ganito. Dahil sa pangangailangan, papasukin ang trabahong hindi nila gusto. Nakakatamad talaga kapag ganito.

Ikaw ba? Tinatamad ka ba kasi hindi mo gusto ang ginagawa o trabaho mo?

Kung oo ang sagot mo, huwag mo namang basta iiwan ang trabaho na hindi mo gusto kung wala kang ibang pagkukunan ng ikabubuhay mo. Sa halip, magkaroon ka ng side hustle. At sa pagkakataong ito, siguraduhin mo na ang magiging side hustle mo ay yung trabahong gusto mo.

Kapag ganito ang ginawa mo, magkakaroon ng panibagong sigla ang buhay mo. Dahil magiging masaya ka sa side hustle mo, mahahawa na rin dyan ang trabaho na kinatatamaran mo. Pagbutihan mo rin sa side hustle mo para pag dumating yung panahon na mas malaki na ang kinikita mo sa side hustle mo, pwede mo na itong ipalit sa trabaho mo.

Yan ang apat na posibleng dahilan kung bakit ka tinatamad. Nariyan na rin ang mga paraan para tulungan kang baguhin yan. 

Balik na tayo sa iba pang dahilan kung bakit hindi ka umaasenso at ano ang pwede mong gawin para baguhin ito. 

#2 Hindi ka nauubusan ng excuses.

Alam mo ba yung kasabihan na kapag gusto, may paraan. Kapag ayaw, maraming dahilan. Ito yun. Hindi ka aasenso kapag hindi ka nauubusan ng dahilan. Kung totoong gusto mo talagang umasenso, hahanap at hahanap ka ng paraan. Kahit na sangkatutak pa ang mga excuses, hahanap ka ng isang paraan para lang sa katuparan ng pangarap mo. Para sa pag-asenso ng buhay mo.

Alam mo ba na sa tuwing magpapatalo ka sa excuses mo, ikaw mismo ang gumagawa ng problema. Kasi gumagawa ka ng dahilan para hindi ka umasenso.

Kung ganyan ka, kailangan mong baguhin agad yan. Don’t worry! Kayang kaya mo yan. Bawasan mo ang overthinking. Siguro kasi ay sobra mo nang pinag-iisipan ang mga kailangan mong gawin. Nao-overwhelmed ka na. Kumbaga, harapin mo ang problema, one problem at a time. Kapag ganyan, mas makakapag-isip ka ng maayos at alam mo sa isip mo na kayang kaya mo yang gawan ng paraan. At sa ganyan, hindi ka na gagawa ng iba pang dahilan. 

#3 Masyado kang umaasa sa iba.

Magaan ang buhay kapag may tumutulong sa iyo. Pero baka naman masyado ka na lang umaasa sa tumutulong sa iyo. Hindi na maganda yang ganyan. Asa sa magulang, asa sa kamag-anak, asa sa gobyerno.

Karamihan sa mga palaasa ay nakakampante ang loob nila kasi alam nilang may aasahan sila. Parang ayaw na nilang kumilos kasi alam nila na hindi sila pababayaan ng taong inaasahan nila.

Hindi porke may tumutulong sa iyo ay aasa ka na lang nang aasa sa kanila. At isa pa, hindi rin habangbuhay ay nariyan sila para tumulong sa iyo. Baka kasi hindi mo pa alam nagiging pabigat ka na rin sa kanila. May sarili rin silang buhay. Kaya ikaw mismo, tulungan mo rin ang sarili mo at huwag puro asa na lang.

Paano mo naman matututunan na huwag umasa sa iba?

Una, magtiwala ka sa sarili mong kakayahan. Lahat tayo ay may kanya kanyang kakayahan na bigay ng Diyos sa atin. Gamitin mo ang kakayahan na yan. Pagyamanin mo. At malay mo, iyan din ang magpapayaman sa iyo. Tandaan mo, pinagkatiwalaan ka ng Diyos sa kakayahan mo, kaya magtiwala ka rin sa sarili mo. Saka sa sobrang asa mo sa iba, nasasayang lang ang kakayahan at talentong pinagkaloob sa iyo.

Pangalawa. Lakasan mo ang loob mo. Huwag kang matakot na malugmok. Sabi nga sa isang kasabihan, when you hit rock bottom, the only way is up. Oo, makakaranas ka ng hirap at pwedeng mag-fail ka. Pero part yan ng buhay. Kailangan mong pagdaanan yan para matuto ka. 

Ang good news dyan, habang natututo ka at nagkakaroon ng iba’t ibang experience, mas gumagaling ka at tumatatag. Kakayanin mo yan nang hindi umaasa sa iba.

#4 Ayaw mong matuto ng bago.

Lahat ng bagay sa buhay ay napapag-aralan. Lahat ng skill ay pwedeng matutunan. Gaya na lang noong bata ka pa. Nag-aral at natuto kang maglakad, magsalita, magbasa, at magsulat. 

Ganyan din kapag adult ka na. Kung gusto mong umangat at umasenso, huwag kang magpapawala ng kagustuhang matuto. Dapat palagi kang natututo ng bago o kaya naman ay nagiging master sa paggawa ng isang bagay.

Sa bilis ng takbo ng teknolohiya ngayon, kung hindi mo pag-aaralan, maiiwan ka ng panahon. Isipin mo na lang ito. Kapag may bagong teknolohiya, mayroon ding bagong opportunity para kumita, may bagong opportunity para umasenso. Kaya huwag mong hayaan lumampas na lang nang lumampas ang bawat opportunity.

#5 Takot kang mabigo.

Nakakatakot naman talaga ang ma bigo. Masakit kasi sa feeling.

Minsan malulugmok ka nang sobra. Pagtatawanan ka. Kukutyain ka.

Walang may gusto ng ganyan. Pero tanungin mo ang sarili mo. Hindi ka na lang ba kikilos dahil sa fear mo sa failure? Hindi mo na ba gugustuhing umasenso dahil takot kang ma bigo? Hahayaan mo na lang bang lamunin ka ng fear na yan?

Kung nakakalamang ang kagustuhan mong umasenso, magpatuloy ka lang sa panonood ng video na ito at ganito ang gawin mo.

Una, tanggapin mo sa sarili mo na kasama sa kagustuhang magtagumpay ang pagkabigo o failure. Dahil ang bawat failure ay nakakatulong para palakasin ka at inihahanda nito ang sarili mo para sa tagumpay. Kaya huwag kang sumuko kaagad.

Pangalawa, ang failure ay hindi ang katapusan ng lahat. Tanungin mo ulit ang sarili mo. Ang failure ba ang end goal mo? Hindi naman di ba? 

Pwes! Huwag kang matakot sa failure dahil hindi yan ang end goal mo.

#6 Hindi ka marunong sa pera.

Kasabay ng pag-asenso ang pagdami ng iyong pera. Mahalaga na marunong kang humawak ng pera. Dahil kung hindi, ikakasira ito ng cash flow mo. 

Marunong ka bang mag-manage ng pera mo?

Kung aminado kang hindi ka marunong sa pananalapi, ngayon pa lang ay simulan mo nang pag-aralan ito.

Simple lang ito. Hindi mo kailangang magsimula sa malaking halaga. Mas mabuti pa nga na masimulan mo ito sa maliit na halaga pa lang.

Sabi nga nila, kung hindi mo raw magagawang mag-manage ng isang libong piso, hindi mo rin kayang mag-manage ng sampung libong piso. Kaya magsimula ka sa maliit o sa kung magkano ang mayroon ka.

Bibigyan pa kita ng karagdagang tips.

Alamin ang pinagkaiba ng NEEDs at wants. I-prioritize mo palagi ang needs.

Matutong mag-budget. Sa pamamagitan ng tama at maayos na pagba-badyet, magiging maayos din ang iyong cash flow. Maiilaan mo ang iyong kinikita kung saan ito mas nararapat mapunta.

Dagdagan ang kita. Mas madaling ayusin ang cash flow kapag mas malaki ang pumapasok na pera. Maraming paraan para dagdagan ang kita. Pwede kang makipag-negotiate para mapataas ang sweldo mo. Pwede kang magnegosyo kahit sa maliit na puhunan lang. Pwede kang magsimula ng isang side hustle. Tandaan! Kapag gusto, may paraan.

#7 Sarado ang isip mo.

Sarado ang isip mo sa maraming bagay. Kung ano ang alam mo, doon ka lang naka-focus.

Isipin mo ito. May dahilan kung bakit hindi ka umaasenso. Pero dahil sa sarado ang isip mo para dito, malamang ay hindi mo ito nakikita.

Sarado ang isip mo sa mga opportunities. Sarado ang isip mo para sa mga kaya mong gawin.

Kapag ganito, kailangan mong magkaroon ng positive mindset. Isa sa dahilan ng pagiging sarado ng isip mo sa mga bagay-bagay ay ang pagkakaroon ng negative mindset. Kailangan mong mapalitan yan ng positive mindset.

Makakatulong kung magbabasa ka o manonood ng mga success stories. Sa ganitong paraan, mai-inspire ka at magiging motivated.

Makakatulong din ang simpleng paglalakad-lakad lang. Minsan kasi, masyadong maraming negative vibes sa environment natin kaya nahahawa tayo. Malaking tulong kung maglalakad-lakad ka sa mga lugar na makakapagbigay ng good vibes gaya ng mga park. 

Yan na ang pitong mga dahilan kung bakit hindi ka umaasenso at kasama na nyan ang mga pwede mong gawin para baguhin ang mga yan. Pweder mo ring mapanood ang video version ng post na ito sa Youtube:

The post Mga Dahilan Kung Bakit Hindi Ka Umaasenso At Ano ang Pwede Mong Gawin Para Baguhin Ito appeared first on Pera Thoughts.

Sa post na ito, gusto ko lang i-share kung paano ako nakapag-develop ng habit sa pag-iipon. Sa ngayon kasi ay nakakapagtabi na ako ng 15% ng aking income, consistently. Walang palya.

Tinawag ko itong Plus 1% Ipon Challenge. Nabasa ko lang itong technique na ito sa isang blog pero, unfortunately, di ko na matandaan kung saang blog ko nabasa at di ko na ulit mahanap. Pero nilagyan ko ng twist ang challenge na ito.

Simulan natin.

Sa challenge na ito, kailangan mong mag-set ng goal. At ang goal dito ay hindi exact amount, kundi percentage of income. Karamihan kasi sa mga ipon challenge ay exact amount ang goal or target. Nasubukan ko na ang ganunpero hindi naging effective sa akin. Kung effective iyon sa inyo, e di good. Pero pwede niyo ring subukan ito.

#1 GOAL

So, ilang percent ng sweldo mo ang nais mong mai-save?

Nang simulan ko ang challenge na ito, 10% ang first goal ko. Then after few months, naisip ko na kaya ko pang taasan. Kaya ginawa kong 15%. Balak ko pang taasan yan ngayon to 20% or up to 50% nga sana.

Kung ikaw ay minimun wage earner, I suggest na simulan mo sa 10%. O kahit 5% lang. Ang goal natin dito ay makapag-ipon ka at ma-develop ang habit sa pag-iipon. Kung dati ay palaging wala kang ipon, ngayon ay sisiguraduhin nating makakaipon ka na.

GOAL: 10%

#2 INCOME

Sunod na kailangan ay ang paglilista ng income o sweldo mo. Effective ito kung kinsenas-katapusan ang sweldo mo. Mas mabilis made-develop yung ipon habit mo.

Basta kailangan mo lang ilista ang sweldo mo. Malaki man yan o maliit. Basta ilista mo nang tapat. Kasi kung dadayain mo, sarili mo lang din naman ang lolokohin mo.

Ang dalawang yan lang ang kailangan mong mailista sa challenge na ito. GOAL at INCOME.

Paano gawin ang Plus 1% Ipon Challenge?

Tignan ang example:

Sa example, ipinagpalagay ko na lang na kumikita ka ng 7000 kada kinsenas-katapusan. Pwede mo iyang palitan kung magkano talaga ang kinita mo.

Pwede mong i-download ang spreadsheet nito.

Plus 1% Ipon Challenge by Pera Thoughts Download

Para ma-download ang File, gawin ang alinman dito:

• I-click ang download link >> Click File >> Make a Copy
• I-click ang download link >> Click File >> Download >> Microsoft Excel

Magsisimula ang challenge sa pamamagitan ng pagtatabi mo ng 1% ng iyong sweldo. Napakadali lang niyan. Kung dati ay wala kang natitira kahit kusing, ngayon ay siguradong meron. Kung 5000 lang ang sweldo mo, ilagay mo na 5000. At ang 1% ng 5000 at 50 pesos.

Congrats! May ipon ka nang 50 pesos!

Ano ang napatunayan mo? Sa pagtatabi ng 50 Pesos, napatunayan mo na kaya mo palang magtabi ng 1% ng iyong sweldo.

Madali lang pala magtabi ng 1% ng sweldo. Kaya sa next sweldo, dagdagan ulit natin ng 1%. So, 2% na ng sweldo ang itatabi. Then +1% ulit sa mga susunod pa. Hanggang sa maabot mo na ang goal mo. Sa example, ang goal ko ay 10%.

Mapapansin ko na nung maabot ang 10% ay huminto na ang pagdadagdag ng 1%. Naging consistent ang 10%.

Sa technique na ito, unti-unti mong masasanay ang sarili mo sa pag-iipon. Hindi ka mabibigla. Mapapaghandaan mo pa at mabibigyan mo ang sarili mo ng pagkakataon na magbawas ng gastusin.

So, i-download mo na ang spreadsheet. It’s FREE!

Ang kailangan mo lang palitan ay yung GOAL at yung mga sweldo. Yung iba, naka-formula na.

Good luck sa challenge!

The post Plus 1% Ipon Challenge appeared first on Pera Thoughts.

So, bakit nga ba hindi makaipon kahit na tumataas naman ang sweldo?

#1 Pagtaas ng presyo ng mga bilihin o inflation

Ito naman talaga ang una nating sisisihin, di ba? Kesyo yung dagdag sa sweldo ay kulang pa kung ikukumpara sa nadagdag sa presyo ng bilihin. Pwedeng tama, pero hindi iyan palaging tama. Kasi, may mga nakilala ako na ganyan ang dahilan kung bakit hindi makaipon. Pero palagi namang nasa mall at namimili ng kung anu-ano.

#2 Pagtaas ng antas ng pamumuhay

Upgrade! Syempre, may dagdag sweldo kaya ang nasa isip ay mag-level up din dapat ang pamumuhay. Hindi naman iyan masama. Kasi kaya ka nga nagtatrabaho para umangat ang antas ng iyong pamumuhay, di ba? Pero dapat naman siguro ay mag limit. Halimbawa, nagkaroon ka ng increase sa sweldo ng 10%. Huwag naman sanang ubusin mo ang 10% na iyon para sa pag-level up ng antas ng pamumuhay mo. Pwede naman na 5% lang. Level up pa rin naman yun, di ba?

#3 Luho

Lahat tayo ay may luho. Aminin natin iyan. Mayroon tayong pinagkakagastusan na kung iisipin natin ay wala naman kwenta pero gusto pa rin nating bilihin. Halimbawa na lamang ay mga collection ng mga laruan o kahit na anong bagay. Para sa iba, walang kwenta yan. Pero para sa nagko-collection, isa yan sa nakakapagbigay ng saya.

Masama ba yan? Hindi. Pero gaya sa nabanggit na kanina, dapat ay may limitasyon. Kung hindi maiiwasan, isama sa budget. Syempre, dapat ay ipon muna bago luho.

#4 Bisyo

Walang ipon ang karamihan sa mga Pilipino dahil may bisyo. Ang masama pa niyan, hindi lang iisa ang bisyo ng ibang tao. Yung iba, dalawang bisyo o higit pa. Magkakaiba rin ang presyo ng mga bisyong yan. Pero ang lahat ng bisyo na yan ay walang ibang ginagawa kundi ubusin ang iyong pera. Pwedeng sa una ay nagiging masaya ka o napapasaya ka ng bisyo mo. Pero kalaunan, mari-realized mo na lang na sinisira na pala nito ang buhay mo. Maswerte ka kung ma-realized mo agad ang bagay na yan. Dahil kung hindi, habang-buhay mo na iyang dadalahin.

#5 Wala silang Goal. 

Ito naman ay para doon sa mga taong may pangarap sa buhay pero puro pangarap lang. Walang Goal. At dahil sa walang goal, wala ring action. Gaya dapat ay may goal. At para makaipon, dapat ay may financial goal o ipon goal. 

#6 Napapaligiran sila ng mga magagastos.

Isa ito sa pinakamahirap na ma-overcome, peer pressure. Yung kahit todo tipid ka, tapos napapaligiran ka ng mga magagastos. Napakahirap. Kaya bilib ako sa mga taong kayang paglabanan ang mga ganyang klase ng pressure. Mas bilib pa ako sa mga taong kaya namang impluwensyahan yung mga magagastos para maging matipid.

#7 Maraming bayarin.

Hindi naman tayo nauubusan ng bayarin. Parami nang parami yan kung hindi natin pipigilan. Isama na diyan ang utang. Yung iba, umiikot na lang ang mundo sa pagtatrabaho para makabayad ng utang. Pero hindi pa rin maubos ang kanilang utang.

Bakit?

Kasi nagiging cycle na. Trabaho >> Sweldo >> Bayad Utang >> Mangungutang para may pang gastos >> Trabaho. Kaya hangga’t nariyan ang utang, mahirap talagang makaipon. Good thing, may mga easy steps naman para makawala sa utang. Check this link if gusto mo talagang makawala na sa mga utang mo:

>> Basahin: Easy Steps Para Makawala sa Utang

#8 Hindi uso.

Karamihan kasi sa mga Pilipino ay nakikisabay sa uso. At ang uso ay ang gumastos. Hindi uso ang mag-ipon kaya hindi rin sila nag-iipon. Kaya kami, pinipilit naming pausuhin ang pag-iipon para makasabay naman ang ibang mga nakikiuso. Chos!

#9 Wala o Kulang sa Financial Education.

Kahit kasi malaki ang sweldo ng isang tao, kung hindi naman niya alam kung paano hawakan nang maayos ang kanyang pera, mabilis lang din iyang mauubos. Nangyayari ito sa totoong buhay. Marami ang nagkakaroon ng milyon pero makalipas ang ilang buwan, mahirap na ulit. At ang masaklap pa diyan ay nagkakautang pa. Kaya naman napakahalagang magkaroon ng financial education.

Hindi naman kailangang gumastos nang malaki para magkaroon ng financial education. Magbasa lamang ng mga libro ay marami nang matututunan. Ang hirap din kasi sa iba ay gustong matuto pero ayaw naman magbasa. May solusyon naman. Marami na rin ngayong videos na nagtuturo ng mga bagay na may kinalaman sa pera. 

Madami pang dahilan yan. Sabi nga sa kasabihan natin, “… Kapag ayaw, maraming dahilan.” Kaya naman, hangga’t ayaw mong mag-ipon, dadami nang dadami yang mga dahilan na yan para lang hindi ka makaipon. Pero kapag nag-decide ka naman na mag-iipon ka na at gustong gusto mo na, syempre, diyan naman papasok yung kalahati ng kasabihan natin, “Kung gusto, may paraan.” 

Ang tanong, handa ka bang gumawa ng paraan?

So, what do you have in mind? Ano’ng mga paraan kaya ang gagawin mo para makapagsimula ka nang makapag-ipon?

The post Bakit Hindi Makaipon Kahit Tumataas Naman Ang Sweldo? appeared first on Pera Thoughts.

Well, CONGRATULATIONS! Dahil nag-decide kang makaahon mula sa iyong pagkakautang. Hindi ka kasi kagaya ng iba na hahayaan na lang na mabaon sa limot ang utang nila. May intensyon kang magbayad. Yun nga lang, siguro, patuloy ang pagdating ng mga pagsubok sa iyo kaya nahihirapan kang magbayad. At, marahil ay nalugmok ka lang sa sitwasyon na hindi mo na alam ang dapat mong unahin sa dami na rin ng bayarin.

Don’t worry! Wag kang mag-alala. May mga tips dito na makakatulong sa iyo. Pero bago ko simulan at bago ka magpatuloy, i-set muna natin ang expectation mo.

Kapag nabasa mo ito, huwag mong i-expect na sa isang iglap ay mauubos ang utang mo. Hindi magic ang article na ito.

Ang mababasa mo dito ay tips lang or payo. Pwede mong gawin, pwedeng hindi. Kapag ginawa mo, mataas ang chance na makakabayad ka sa mga utang mo kahit pakonti-konti. Pero kung hindi mo naman gagawin, huwag kang mag-expect na may mangyayari. Action is needed.

So, simulan na natin.

#1 Decide

Actually, nasimulan mo na ito nung mag-decide ka sa sarili mo na magbabayad ka ng utang. Yan naman kasi ang kailangang unang mangyari talaga. Kasi kung hindi ka magde-decide, wala din. So, dito sa part na ito, mag-decide ka na gagawin mo ito. Hindi yung ningas-kugon ka o sa umpisa lang magaling.

#2 Stop

STOP! As in stop mo na ang pangungutang. Lubog ka na sa utang, huwag mo nang dagdagan pa. Hindi mo mapapalaya ang sarili mo sa utang kapag ganyan. Parang ililipat mo lang ang sarili mo sa ibang kulungan. Pero pareho pa rin iyang kulungan. Technique kasi ng iba ay mangungutang sa ibang tao o kaya sa ibang institusyon na nagpapautang para makapagbayad sa mga nautang pagkakautang. Mas mabuti kung stop na lang. Kung may credit card ka, huwag mo nang gamitin. Hindi yan instant pera, utang yan.

Basta kahit na ano pa man, huwag mo nang dagdagan pa ang iyong utang. STOP na. No excuses. Tama na ang pagbubutas sa sarili mong bulsa. Oras na para tahiin o tapalan mo ang mga tagas na umuubos sa pera na gastusin mo sa pang araw-araw.

#3 Locate

Kailangan mong i-locate o alamin kung nasaan ka. Hindi ito pisikal na location mo, pero pwede nating ihalintulad.

Ito kasing sitwasyon mo na nalubog ka sa utang ay parang isang unfamiliar place para sa iyo. Kumbaga, para kang naliligaw. Alam mo kung saan mo gustong magpunta pero hindi mo alam ang daan. Gusto mong makalabas pero hindi mo alam kung paano. Kaya naman, kung gusto mong makalabas, kailangan mo munang malaman kung nasaan ka. Magagawa mo yan sa pamamagitan ng paglilista. This may sound boring o kaya ay old school para sa iyo pero think of it as ito yung magiging mapa mo, or compass, or GPS.

• Ilista mo ang lahat ng iyong pagkakautang at iyong pinagkakautangan. Gumamit ka ng notebook kung kailangan. O kaya mag-download ka ng Google Sheets (pwede sa web, pwede sa Android, pwede sa iOS) at doon mo ilista lahat. Kumpleto dapat. May interes man o wala. Isama mo sa lista ang principal amount at ang interes kung meron man at minimum payment.
• Ilista mo ang lahat ng iyong pinagkakagastusan. LAHAT! Kahit barya pa yan. Huwag mong lokohin ang sarili mo sa part na ito. Huwag mong palampasin kahit baryang may napakaliit na halaga.
• Ilista mo ang lahat ng iyong pinagkakakitaan – sweldo, raket, negosyo. Ilista mo lahat. Bawal ang kupit.

Yan! Ngayon alam mo na kung nasaan ka. Alam mong marami kang utang. Alam mong marami kang bayarin at pinagkakagastusan. Alam mong kulang ang iyong kinikita. Ngayon, paano ka makakalabas?

#4 Breath. Inhale. Exhale.

Alam mong nakaka-stress yang makita at mag-isip kung paano ka makakaahon sa utang. Mahirap talaga lalo ka kung marami kang utang. Isama mo pa ang kabi-kabilang bayarin at ang kulang na kinikita para mabayaran ang lahat. Pero kailangan mo kasi ng focus sa goal mo. Huwag kang tumingin sa kung magkano ang utang mo lang. Huwag kang tumingin sa kung magkano ang mga bayarin mo lang. At huwag kang tumingin sa kakulangan ng kinikita mo lang. Tumingin ka sa goal mo. At yun ay ang makalabas at makalaya sa utang.

Ang part na ito ay more on motivation. Inhale, exhale. Sabihin mo sa sarili mo na kaya mong harapin ang mga pagsubok na yan.

#5 Prioritize and Take Control

Ngayong nakapag-relax ka na, hindi na nakaka-overwhelmed ang mga pagsubok. At sa pagkakataong ito ay malinaw na sa iyo kung nasaan ka. Alam mo kung magkano ang pumapasok na pera, alam mo kung magkano ang lumalabas. So, ang kailangan mong gawin ngayon ay ang mag-PRIORITIZE para ma-gain mo yung CONTROL.

Gastusin

Yung listahan mo ng mga gastusin ang unahin mo. Tignan mo yang maigi. Pagnilayan mo. Tapos, tanungin mo ang sarili mo, “Alin dito ang mga dapat kong unang bigyan ng pansin? Alin dito ang PRIORITY ko?”

Syempre, PRIORITY mo ang pagkain, tirahan, tubig, kuryente, pamasahe. Other than those, alin pa? Milk tea? Pagkain/inumin yan pero dapat mo ba yang i-priority? Kung may bisyo ka, uunahin mo pa ba yun?

After mong mai-set ang iyong mga PRIORITY, alisin mo muna yung mga hindi dapat i-priority. As is huwag mo munang gastusan. O kung hindi naman pwedeng alisin sa gastusin, bawasan mo nang kalahati. Kung dati ay ₱ 1000 ang gastos mo sa load, gawin mong ₱ 500. Magkano kaya ang matitipid mo kapag ginawa mo yan? Ikaw lang ang makakaalam niyan. At ulitin ko lang ha?

Be honest on yourself. Huwag mong lokohin ang sarili mo. Kung hindi mo naman talaga at sobrang kailangan, huwag mong ipilit na kailanganin. Ang goal mo ay makawala sa utang, makabayad sa utang, hindi ang magpakasaya. Hindi ko sinabing malungkot ka ha? Maging masaya ka at positibo. At pwede mong gawin yan nang hindi gumagastos.

Utang

Ngayon, doon naman tayo sa listahan ng iyong mga utang. Syempre, kung isa lang naman ang pinagkakautangan mo ay hindi mo na kailangan itong part na ito. Pero kung marami kang pinagkakautangan, kailangang kailangan mo ito. Gagawa ka dito ng dalawang listahan.

Listahan ng Utang “A” (Debt Avalanche)

Dito sa listahan na ito, pagsunod-sunurin mo ang mga utang mo base sa laki ng interest, mula sa pinakamalaki hanggang sa pinakamaliit. Debt avalanche ang tawag sa technique ng pagbabayad na ito.

Ang interest ang nagpapabigat sa mga binabayarang utang. Sa technique na ito, mas makakatipid ka at mas mabilis mong mababayaran ang iyong mga utang dahil target mo dito ay maubos kaagad ang utang na may pinakamataas na interest.

Listahan ng Utang “B” (Debt Snowball)

Dito naman sa listahan na ito, i-sort mo ang iyong mga utang base sa halaga. Mula naman ito sa pinakamaliit hanggang sa pinakamalaking halaga. Hindi mo papansinin ang interest sa technique na ito.

Ang goal ng technique na ito ay ang mabawasan ang stress mo sa pagbabayad ng utang at magkaroon ng motivation. Uunahin mong ubusin ang pinakamaliit mong utang habang babayaran mo ng minimum ang iba.

Sa technique na ito, makikita mong mas mabilis mauubos ang nasa listahan mo ng mga utang. At sa utak mo ay magiging motivation iyon. Iba kasi sa feeling yung may nabura kang utang sa listahan. Mas magaan sa paghinga.

#6 Additional Income

Matapos mong gawin ang mga listahan ng priorities mo, baka ma-realize mo na kahit bali-biligtarin mo ang listahan ay wala ka pa ring magagawa kasi kulang ang kinikita mo. Kahit na bawasan mo ang gastos mo ay kulang pa rin. No choice ka na kundi humanap ng additional source of income. Dagdag income ha? Hindi dagdag utang.

Sa pagkakataong ito, bawal magdahilan. Lalo na kung ang idadahilan mo ay wala kang extra “time”.

Pareho lang ito sa ginawa natin kanina, yung pagpili ng priority. Uunahin mo ba ang gumala kesa sa humanap ng pagkakakitaan? Uunahin mo ba ang mga party at inuman kesa rumaket? It’s up to you.

#7 Take Action and Change Yourself

Nabanggit ko na kanina na ang mga ito ay tips lang, payo lang. Hindi mauubos ang utang mo kapag natapos mo na itong basahin. Makakawala ka lang sa utang mo kapag kumilos ka, kapag umaksyon ka. Okay lang naman na parang isang Action Star ka na dehado sa umpisa kahit hirap kang magbayad ng utang pero mananalo ka sa bandang huli at makakawala na sa mga utang mo.

Change yourself. Walang magbabago sa sitwasyon mo kung ikaw mismo ay hindi magbabago. Tigilan mo yang mga quotes na nagsasabi na “just be yourself”. Bakit? Kasi, d’yan sa “just be yourself” na yan ka nalubog sa utang. Yan pa rin ba ang gusto mo? Kung hindi, then change yourself. Change your lifestyle.

Alam mo ba yung minimalism or minimalist lifestyle? Ito ay isang uri ng lifestyle na ang gamit mo lang ay yung mga totoong kailangan mo. Mukhang boring, pero maniwala ka, mali ka d’yan. Hindi ko sinasabing maging minimalist ka. Binibigyan lang kita ng option.

Para magkaroon ka ng idea, you can watch this documentary sa Netflix >> Minimalism: A Documentary About the Important Things. Personal favorite ko ito. Ilang beses ko na ring napanood at patuloy kong gugustuhing panoorin kapag kailangan ko ng motivation.

Meron din akong review ng isang e-book tungkol sa isang Filipino Milimalist, si Darrah. If you need to learn more about minimalism, or gusto mong malaman ang buhay ng isang Pinay na minimalist, get a copy of her e-book. You can read my review here >> Juanderfulife: Minimalism for Pinoys (REVIEW).

#8 Be Consistent

Nabanggit ko na nga rin kanina, huwag kang ningas-kugon. Huwag pakitang-tao. Huwag sa umpisa lang magaling. Be consistent. Marami ang nagsasabi na “Consistency is the Key”. Naniniwala ako d’yan.

Napahaba na ang post ko. Dito ko na ito puputulin. Sana ay may napulot ka dito. For sure naman na makakatulong ito para makabayad ka na at makawala sa mga utang mo.

The post Easy Steps Para Makawala sa Utang appeared first on Pera Thoughts.

Pero alam mo, pera is not everything.

Hindi ko sinasabi na hindi mahalaga ang pera. Wala akong sinabi na hindi kailangan ang pera.

Kailangan natin ang pera at mahalaga ang pera lalo na sa panahon ngayon. Sa ngayon kasi, kapag wala kang pera, paano ka na?

Pero ulitin ko lang… PERA is not everything.

Bakit?

Kasi hindi lahat ay nabibili ng pera.

Kailangan natin si pera para maka-survive: pambili ng makakain, inumin; pambayad sa upa sa bahay, tubig, kuryente; pamasahe papunta sa trabaho, pambayad ng bills, pambili ng gamot kapag nagkakasakit at marami pang iba. Actually, halos hindi na mabilang ang mga bagay na mabibili ng pera. Pero may iilang bagay na hindi mabibili ng pera na masasabi kong mas mahalaga kesa sa pera.

Love. Pag-ibig. Pagmamahal.

Pag-ibig is priceless. Hindi mo yan mabibili. Makakabili ka siguro ng magmamahal sa iyo. Magbabayad ka ng tao para mahalin ka. Pero sa palagay mo ba ay totoong pagmamahal ang matatanggap mo? Hindi. Dahil ang tunay na pag-ibig ay hindi mabibili.

Time. Oras.

Lahat tayo ay may 24 oras sa isang araw. Kahit gaano kadami yang pera mo, may 24 oras ka pa rin. Hindi yan magiging 25. Hindi yan madadagdagan. Mababawasan pa nga yan kapag oras mo na. Alam nyo na! Kaya use your time wisely.

Pera cannot buy time, pero time can buy you pera. Duda ka? May mga tao na alam ang halaga ng bawat oras nila. At alam din nila kung paano mag-leverage ng oras nila. Isipin mo na lang, pare-pareho naman tayong may 24 oras pero bakit may mga kumikita ng malaki at mas marami? Siguro, isasagot mo ay dahil sa may matataas silang natapos et cetera. Pero hindi yan. Dahil nasa tamang paggamit ng oras yan.

Paano?

1. Invest in knowledge. Kakailangin mo ng oras para mag-aral. Hindi ito schooling ha? Kahit self-study lang pwede na. Paglaanan mo ng oras ang pag-aaral.
2. Manage your time. Para hindi mo sasabihing wala kang time. May time ka. Hindi mo lang alam na sinasayang mo na pala.

Dignidad.

Balewala ang kayamanan mo kung sirangbsira na ang dignidad mo. Yang dignidad mo, pagkatao mo na yan e. Mas mahalaga yan kesa yaman.

Faith.

Yung relationship mo kay God, walang katumbas na halaga yan. Para fair, kahit hindi ka naniniwala na may Diyos, yung faith in humanity mo na lang. Or yung faith mo in kindness. Or kung ano o sino mang pinaniniwalaan mo. Huwag mong hahayaang masira yan dahil sa pera.

Alam niyo, ang pinakamagagandang bagay sa mundo ay hindi related sa pera. Sabi nga nila, the best things in life are free.

The post Pera is not Everything appeared first on Pera Thoughts.

Isa sa mga natutunan ko na kailangan sa pagsisimula ng negosyo ay ang magpakatotoo sa sarili. Mahirap lokohin ang sarili kapag magsisimula ka ng negosyo. Kailangan mong maging honest sa sarili mo sa pagsagot ng mga tanong na may kinalaman sa pagnenegosyo. Kaya mo bang baguhin ang sarili mo (ugali at habits mo)? Kaya mo bang i-motivate ang sarili mo at maging “boss” ng sarili mo? Magkano ang kakailanganin mo para makapagsimula? Paano ka magkakaroon ng pera para makapagsimula? Anong negosyo ba ang gusto mong simulan? Bakit? Kikita ba ang ganyang negosyo?

O di ba? Andaming tanong at nakaka-overwhlemed. Tough questions nga daw para sa mga nagsisimula pa lang. Pero alam mo ba na ang pagsagot sa bawat tanong na sasalubong sa iyo ay kasing fulfilling na. Kumbaga, bawat tanong na masasagot mo ay parang isang stage o level na nalampasan mo. At bawat nasagot na tanong ay magdadala sa iyo papalapit sa pangarap mong makapagsimula ng negosyo.

Pero, ang bawat tough questions ay isang tough challenge. Posibleng kapalit ng pagsagot sa tough question ay paglabas sa “comfort zone” o kaya naman ay “failure”. Takot sa mga yan ang karamihan. Ayaw nilang mahirapan. Ayaw nilang makaranas ng “failure”.

Ang mga tough questions na yan ay mga totoong obstacles, at risk. Nakakatakot, pero kung paano mo iha-handle at sasagutin ang mga yan, doon mo malalaman kung gaano kalayo ang maaabot mo at magiging basehan ng success para sa iyo.

Ang mga business owners o mga entrepreneurs ay walang mga special na kapangyarihan o swerte kaya sila naging successful. Naranasan nilang lumabas sa kanilang “comfort zone”. Nakaranas sila ng hindi lang iisa, kundi sangkatutak na “failures” sa pagharap ng mga challenges at obstacles para sa negosyo nila. Pero naging successful sila dahil hindi sila sumuko at hinarap ang bawat obstacles nang may lakas ng loob. Tamang mindset, yan ang mayroon sila.

If you fail to plan, you are planning to fail!

Benjamin Franklin

Ang pagsisimula ng negosyo, gaano man yan kaliit, ay nangangailangan ng pagpaplano. Hindi naman kailangang perpektong plano, pero kailangang masusing pinagisipan. Magplano ka base sa kung ano muna ang alam mo. Then, mag-research ka ng mga pandagdag. Don’t worry, palagi ka naman pwedeng magpalit ng plano. Kasi hindi lahat ng nasa plano mo ay mangyayari. Pero mahalaga pa rin na mayroon kang plano kasi yan ang magiging guide mo. Kung may papalitan ka, konting edit ng plano lang yan.

Hindi naman puro challenges at obstacles ang pagnenegosyo. Sa totoo lang, napakaraming rewards doon. Una, wala kang “boss”, ikaw ang “boss”. Ikaw ang magdedesisyon kung ano ang gagawin at kung paano gagawin. Hindi mo na kakailanganing manghingi pa ng pagtaas ng sweldo sa “boss” mo dahil ikaw rin ang magde-decide kung gaano kalaki ang ipapasweldo mo sa sarili mo depende sa kita ng negosyo mo. Pwede kang mag-leave any time kung gusto mo. Pero…

Syempre, bago mo magawa ang mga yan, kailangan mo munang mapatakbo ang business mo on its own. Syempre, para hindi mo poproblemahin kung paano gagalaw ang negosyo mo kapag nagbakasyon ka. Di ba? Kaya yan! Sa umpisa, kakain ng maraming effort. Pero it’s really worth it. Lalo na kapag naisakatuparan mo na ang pangarap mo.

The post Pagsisimula ng Negosyo: Katuparan ng Pangarap appeared first on Pera Thoughts.

Doon sa amin sa probinsya, may mga kakilala ako na yung perang pambili na sana ng pagkain, itataya pa sa STL (Small Town Lottery). Umaasa na ang barya ay magiging malaking halaga. Umaasa sa swerte. Kapag tumama, edi blow out. Kapag hindi, e di itutulog na lang ang gutom o kaya iinom na lang ng maraming tubig.

Pero hindi naman lahat ay umaasa sa swerte. May mga tao rin naman na nagsasabi na tayo ang gumagawa ng ating kapalaran. Naniniwala sila na hindi kailangan o hindi makakatulong ang swerte para maging successful o umunlad sa buhay.

Masama ba ang maniwala sa swerte?

Sa aking opinyon o palagay, hindi naman masama ang maniwala sa swerte. Pero masama ang umasa sa swerte.

The harder I work, the luckier I get.

Samuel Goldwyn

Masama ang umasa sa swerte. Dahil ang swerte ay kailangang sinasamahan ng hardwork. Marami ang nagsasabi na hardwork lang ay sapat na. Pwede rin naman.

Pero marami ring mga masisipag na negosyante ang naniniwala sa swerte. Bumibili pa nga sila ng mga pampaswerte para raw lalapit ang pera o costumer.

Para sa akin, ang swerte ay parang positive thinking o parang law of attraction. Yung swerte mo, magma-manifest yan basta magsikap ka at magtyaga at maging masaya sa ginagawa mo.

Sa palagay ko, kahit puro hardwork ka, kahit matyaga ka, pero kung hindi ka masaya sa ginagawa mo, hindi magma-manifest sa iyo ang success. O hindi ka pa rin suswertehin.

Di ba? Kaya may mga tao na kahit masipag at masikap, wala pa ring success. Kasi, puro sila reklamo na mahirap. Pero ginagawa pa rin nila. Hindi sila nagiging masaya. Kaya kahit na masipag at masikap, hindi pa rin nagma-manifest ang success.

Hindi ko sinasabing tama itong sinasabi mo. At wala rin itong basehan na nasusulat. Base lang ito sa aking observation at opinyon.

Kayo? Ano sa palagay ninyo? Masama ba ang maniwala sa swerte?

The post Masama Ba Ang Maniwala sa Swerte? appeared first on Pera Thoughts.

Ayon sa isang survey na isinagawa noong 2014 ng Bangko Sentral ng Pilipinas, isa lang sa kada apat na Pilipino ang nag-iipon o ang mayroong ipon.

Ibig sabihin, sa panahon ng kagipitan, mas maraming Pilipino ang mahihirapang makaahon. Kung sakaling maoospital, karamihan ay aasa sa kung ano lang na kayang ibigay ng gobyerno. At kung hindi matugunan ng gobyerno, wala nang magagawa kundi ang mangutang. Mas lalo nang hindi makakaipon.

Marami pang mga dahilan kung bakit hindi nag-iipon ang mga Pinoy. Isa-isahin natin:

#1 Kakaunti ang kinikita

Isa sa mga dahilan ay ang kakapiranggot na kita. Marami ang tinatawag na underpaid. Sila iyong mga tinatanggap na lang ang kahit na anong trabaho kahit na maliit lang ang sweldo para lang may maipakain sa pamilya. Hindi natin masisisi. Pero ang solusyon talaga dito ay maghanap pa ng iba pang pagkakakitaan. Pwede kang magsimula ng isang side hustle na makakatulong sa iyo.

#2 Malaki ang gastos

May mga tao na kahit malaki ang kinikita, mas malaki pa rin ang gastos. Malamang ay dahil ito sa spending habit o kaya naman ay bisyo. Ang solusyon sa problemang ito ay pababain ang gastos. Magagawa ito sa pamamagitan ng pag-alam kung saan napupunta ang pera. Ilista ang lahat ng pinagkakagastusan, gumawa at sundin ang budget.

#3 Hindi marunong kung paano mag-ipon

Itinuturo ng ating mga magulang na tayo ay dapat mag-ipon. Naaalala ko pa nga noon na palaging bilin sa akin ni Mama na mag-ipon daw ako kasi mahirap ang walang ipon. Pero ni minsan, hindi niya itinuro sa akin kung paano mag-ipon. Sa school, hindi rin itinuturo ang tamang pag-iipon. Kaya isa rin ako sa mga talaga namang nahirapan sa pag-iipon.

Pero may good news, dahil hindi kailangan kumuha pa ng kahit na anong kurso para makapag-ipon. Ang pag-iipon ay natututunan kahit sa sariling sikap lang. Kaya naman kung ang problema ay ang kulang sa kaalaman sa pag-iipon, maraming librong pwedeng makatulong. Maraming blogs, gaya nito sa Pera Thoughts. Ugaliin lang na magbasa.

#4 Walang dahilan kung bakit kailangang mag-ipon

Bukod sa kulang sa kaalaman sa pag-iipon, marami ang hindi pa nakakakita ng dahilan kung bakit kailangang mag-ipon kaya hindi pa nakakapagsimula. Iba rin kasi yung alam mo kung bakit ka nag-iipon. May motivation kasi yun. So, humanap ka ng dahilan para mag-ipon. Mayroon kami ditong listahan ng mga bagay na dapat mong pag-ipunan, baka makatulong sa iyo ang mga ito.

#5 Walang disiplina

May mga sumusubok naman na mag-ipon pero kadalasan ay sa simula lang magaling. Ningas-kugon. Kumbaga, walang disiplina kaya hindi rin maipagpatuloy ang pag-iipon. Ang solusyon naman dito ay i-build ang disiplina. Maraming pwedeng gawin. Pwedeng sumali sa mga ipon challenge. May weekly, may monthly at may yearly. Marami akong kakilala na na-build ang habit sa pag-iipon dahil sa mga ipon challenge.

#6 Baon sa utang

Ito na nga ang masaklap. Nalubog na sa utang kaya hindi na makaipon. Ang lahat ng kinikita ay napupunta na lang sa pambayad ng utang, tapos ay mangungutang ulit para mapunan naman ang pangangailangan. Napakahirap.

Bakit ko alam? Kasi naransan namin. At ang masasabi ko ay may pag-asa pa. Ang solusyon dito ay iba pang source of income at matindihang pagtitipid, disiplina. Syempre, huwag nang dagdagan ang utang. O kung hindi maiiwasa, pumili ng mas mababa ang interes. Matagal makaahon pero makakaahon pa rin.

#7 Matanda na para mag-ipon

Ang pag-iipon ay mas okay kung sisimulan habang mas bata pa. Pero hindi naman ibig sabihin nito na kapag mas may edad ka na ay hindi ka na mag-iipon. Ako nga, 30 na nang magsimulang mag-ipon. May asawa na at anak pero wala pang ipon. Pero dahil sa na-realize ko ang kahalagahan ng pag-iipon, nag-ipon pa rin ako. Pinagsisisihan ko na hindi ako nag-ipon noong nasa early 20s pa lang ako kahit na kaya ko namang mag-ipon. Pero walang magagawa kaya move on na lang. Ang mahalaga ay nakakapag-ipon na sa ngayon.

Yan ang mga dahilan kung bakit maraming Pinoy ang hindi nakakapag-ipon. Pero lahat naman ng dahilan na iyan ay sinamahan natin ng solusyon. Kaya kung ikaw ay wala pa ring ipon, maipapayo namin na simulan mo na.

The post Bakit Maraming Pinoy ang Hindi Nag-iipon? appeared first on Pera Thoughts.

Sabi nga ng iba, mas madali raw mag-ipon kapag may pinag-iipunan. Kumbaga, nakakadagdag kasi sa motivation kapag alam mong may target ka o may goal ka. Kapag alam mo kung ano ang pinag-iipunan mo, mas ganado kang mag-ipon.

May list ako dito ng mga bagay na mahalagang unahing pag-ipunan.

Mga Bagay Na Dapat Mong Pag-ipunan

Emergency Fund

Para sa akin, pinakamahalagang unahing pag-ipunan ang emergency fund. Kumbaga, emergency fund is a must. Marami kasing mga emergency na bagay ang biglaan na lang nangyayari na mangangailangan ng pera. So, mas mabuti na mayroon kang nakahandang pera para dito.

Hindi kasama dito ang biglaan na nagkayayaan na mag-outing ang tropa ha? O kaya naman biglaan nagkaroon ng SALE ang paborito mong brand.

Magkano ba dapat ang emergency fund?

Basically, depende iyan sa kung magkano ang normal na gastos mo. Alamin natin yan sa ibang post, abangan.

Education

Dito sa Pilipinas, napakalaki ng discrimination pagdating sa education or kung ano ang natapos. May mga companies na nakatingin sa pangalan ng school at iba pa. At mahal ang mag-aral sa may pangalang School or College or University dito. As in gagastos ka nang malaki.

Ibahin na lang natin. Let’s say na learning of new skills na lang or going to skill improvement. Syempre, gastos pa rin ang resources. Pwede kang umattend ng training or mag-enroll ng online course. Syempre, gastos ulit.

Self-study? Pwede naman para makatipid. Pero gagastos ka pa rin sa resources gaya ng books, etc. Pero sabi ko nga, nakatingin sila sa diploma mo. Nakatingin sila sa certificate mo. Ija-judge ka nang hindi pa nakikita ang skills mo.

Halimbawa, sa akin na lang. Self-study lang sa personal finance. I am doing my best para maging financial literate. Ang mga resources ko ay mga books, online cources, groups. Tapos nagsimula ako ng blog about personal finance? Hindi ko lalahatin pero mayroon dyan na magsasabi na “Bakit ba ako maniniwala sa taong ito e wala naman itong formal education about finance?”

Kaya naman, in the future, may plan din naman ako na mag-try makakuha ng certification. Hindi pa lang sa ngayon as of writing this.

Magsimula ng Business

Isa sa mga pinag-iipunan ng karamihang gustong makawala sa pagiging empleyado ay ang puhunan para makapagnegosyo. Either makawala nga sa pagiging empleyado or part-time negosyante. May pandagdag man lang sa kinikita.

Investment

Bukod naman sa negosyo, para mapalago ang pera, nag-iipon ang iba para makapag-invest. Mas maagang pagsisimula sa pag-i-invest, mas mabuti dahil mas malaki ang magiging pera mo. Sabi nga nila, pagdating sa investment, hindi mo talagang kakampi ang malaking halaga. Dahil mas kakampi mo ang oras o panahon.

Nanghihinayang nga ako e. Natutunan ko lang ang mga bagay tungkol sa investment ngayong nasa trenta na ako. Akala ko kasi noon ay ang pag-i-invest ay para lang sa mga mapepera. Mali pala. Kahit maliit na halaga lang pala ay pwedeng i-invest.

Kung interesado kang mag-invest, pwede ka naming tulungan. Sign up ka lang gamit ang form dito >> . Then kontakin ka namin.

Insurance

Marami ang hindi nakaka-appreciate sa insurance kasi inaakala ng iba na para bang pinaghahandaan na kaagad ang kamatayan. Ganito rin ang pananaw ko noon. Well, pwedeng tama. Pero hindi naman ibig sabihin na kailangan mong patayin ang sarili mo. Kumbaga, sinisigurado mo lang na okay ang iyong mga iiwanan.

Kadalasan naman sa iniisip ng iba ay paano naman kung walang nangyaring hindi maganda? May mga insurance naman na may living benefits. May makukuha ka kung sakaling walang nangyari sa iyo. Ito yung tinatawag nilang VUL o Variable Universal Life Insurance. Habang insured ka, nag-i-invest ka na rin. Pwede kang mag-inquire sa amin tungkol sa VUL kung gusto mo. Or pwede mo rin gamitin ang form na ito >> , then kami ang kokontak sa iyo.

Sariling Bahay

Nakakasawang mangupahan, sa totoo lang. Kahit sabihin ng mga eksperto na hindi magandang investment ang bahay ay okay lang. Iba pa rin kasi yung may sarili kang bahay. Iba yung freedom. Hindi mahalaga ang malaking bahay. Sapat na yung maliit at simple. Pero kung nangangarap ka ng malaking bahay, wala naman masama doon. Basta may pera ka at hindi ka malulubog sa utang.

Vacation or travel

Sino bang ayaw mag-travel? Or sino bang ayaw magbakasyon? Di ba ang sarap magpunta sa lugar na may magandang view at nakaka-relax? Pero mas masarap sana yan kung may pera ka. Yung tipong hindi ka na mangungutang para lang makapag-travel o makapagbakasyon. Mahirap naman yung nag-travel ka nga at nagbakasyon, pero pagbalik mo, problema mo naman ang pagbabayad ng utang.

Financial Freedom

This is my ultimate goal. Malamang kayo rin. Sino ba naman ang may ayaw na umabot sa state na hindi mo na poproblemahin ang kawalan ng pera? O yung tipong hindi mo na kailangan ng pera kasi alam mong sapat na. Hindi sapat ang pag-iipon lang para makamit ang financial freedom. Kailangan ay may iba pang source of income at nag-i-invest din.

Retirement

Kasama na sa financial freedom ang retirement. Hindi ko ma-imagine ang sarili ko na magtatrabaho pa kapag matanda na ako. Napakahirap ng ganoon. Mahirap din naman umasa sa mga anak. At sabi nga, huwag na huwag gagawing retirement plan ang mga anak.

Lahat tayo ay papunta sa pagtanda. Ayoko naman na kapag matanda na ako ay pagsisisihan ko ang hindi paghahanda para sa retirement.

Ikaw? May iba ka pa bang mahalagang pinag-iipunan?

“A prudent person foresees danger and takes precautions. The simpleton goes blindly on and suffers the consequences.” —Proverbs 27:12, NLT.

The post Mga Bagay Na Dapat Mong Pag-ipunan appeared first on Pera Thoughts.