Makinig kayo, kasi posible ito – at ang sikreto ay work smarter, not harder. Ang isang successful na home-based raket ay makakapagdala ng overflowing benefits para sa iyong pamilya, magkakaroon ka ng flexibility, mababawasan ang stress, at sa huli, mas present ka na kasama ang mga loved ones mo.

4 Paraan Kung Paano Magkaroon Ng Mas Maraming Family Time with a Home-based Raket

#1 Build Flexibility into Your Schedule

Ang pagkakaroon ng home-based raket ay hindi instant freedom lalo na kung nagsisimula ka pa lang. But in the long run, kaya nitong i-unlock ang pagkakaroon mo ng mas flexible na oras para sa trabaho. For now, okay na okay lang kahit may full-time job ka. Yung raket mo, ilagay mo lang sa mga oras na free ka. Yung maliit na oras na maiibigay mo sa raket mo, malaking bagay na yan para sa future mo. At yang oras na yan magiging family time din sa lalong madaling panahon.

#2 Maximize Your “In-Between” Moments

Ilang oras yung nauubos mo sa pagko-commute araw-araw? Isang oras? Dalawang oras? What if gamitin mo ang raket mo bilang paraan para mabawi ‘yung mga “in-between” moments gaya niyan? Naghihintay habang nasa extracurricular ang anak? Imbis na mag-scroll sa social media, gumawa ka ng post para i-promote ang raket mo. Break time? Tamang-tama  yan mag-research ng mga bagong clients. ‘Yung mga maliit na sandaling ‘to, malaking impact nyan sa raket mo at sa future mo.

#3 Reduced Stress = Happier Parent = Happier Family

Nakaka-stress talaga ang mga financial worries, budget na laging bitin. Plus nandyan pa yung hindi ka masaya sa trabaho mo, burnout talaga ang aabutin mo. NAKAKAPAGOD! Ang home-based raket mo ang magbibigay ng sense of control sa iyo. Magkakaroon ka ng dagdag income o kaya naman ay passion project mo na magpapasaya sa iyo na siguradong makakabawas sa stress. Makakapagbigay din yan sayo ng emotional space, mas malaking happy space para sa family.

#4 The Long Game: More Freedom, Less Grind

Ang successful na home-based raket ay nangangailangan ng trabaho sa umpisa. Pero ang goal mo ay bumuo ng isang sustainable na bagay na magreresulta sa mas maraming oras para sa mga family outings eventually. At malay mo, ito na rin ang tulay para iwan mo na ang full-time job mo at mag-focus na lang sa pagpapalago ng home-based raket mo into a family business.

Real Talk: Hindi Ito Magic

Ang pagkakaroon ng home-based raket ay hindi magic solution na bubura sa lahat ng iyong time constraints. Magkakaroon ka ng busy seasons at late nights. Pero, kung strategic ang approach mo, kayang-kaya nitong magkaroon ng bagong balance in ways na makakabuti sa buhay pamilya mo.

Handa ka na bang tuklasin ang mga possibilities? Ang eBook ko, “Kita Kits sa Bahay: Home-based Raket Para sa Busy Parents“, ang roadmap mo. Alamin kung paano ka makahanap ng tamang Home-based Raket, paano sulitin ang oras mo, at bumuo ng isang bagay na magpapalakas pareho sa iyong mga pangarap at precious moments kasama ang pamilya.

The post 4 Paraan Kung Paano Magkaroon Ng Mas Maraming Family Time with a Home-based Raket appeared first on Pera Thoughts.

Alam mo? hindi yan imposible. Pero sa ilang mga kadahilanan, ang pangarap mong pag-asenso ay pwedeng manatiling pangarap na lang.

May mga dahilan kung bakit hindi ka umaasenso. Pero wag kang mag-alala dahil mayroon ka namang pwedeng gawin para mabago yan.

Mga Dahilan Kung Bakit Hindi Ka Umaasenso At Ano ang Pwede Mong Gawin Para Baguhin Ito

Simulan na nating alamin ang mga dahilan kung bakit hindi ka umaasenso at ano ang pwede mong gawin para baguhin ito.

#1 Tamad ka.

Walang taong tamad ang umaasenso sa buhay. May nakilala ka na bang mayamang tao pero tamad? Wala naman di ba?

Ngayon, tatanungin kita. Tamad ka ba?

Alam mo, lahat tayo ay dinadaanan talaga ng katamaran. Pero dapat, yang katamaran na yan ay dumadaan lang. Hindi yan dapat nagtatagal. Kasi kapag nagtagal yan, nagiging habit na yan. Isipin mo na lang kung maging habit mo ang katamar’an. Magpaalam ka na sa mga pangarap mo kapag ganyan.

Marami ring dahilan kung bakit tayo tinatamad. Mayroon ako ditong list ng apat na dahilan kung bakit ka tinatamad at ano ang pwede mong gawin para baguhin ang mga ito.

Un, kulang ka sa motivation.

Naniniwala akong may natatago kang sipag. Kulang ka lang sa push. Kulang sa tulak. Kulang sa motivation. Kapag ganito, subukan mong manood ng mga motivational videos para ma inspire ka. Kumbaga, kailangan lang na magkaroon ng apoy sa puso mo para magkaroon ka ng sipag para sa pangarap mo.

Pangalawa, takot ka sa failure.

Minsan, kaya ka tinatamad kasi takot kang pumalpak. Kapag pumalpak ka, mapapahiya ka. At syempre, ayaw mo yung pakiramdam nang napapahiya. At dyan na papasok ang katamaran. Dahil sa takot mo sa failure, tatamarin ka nang gawin yung bagay na kailangan mong gawin para umasenso.

Alam mo, part ng buhay ang failure. Kailangang matanggap mo sa sarili mo ito. Normal lang ang mag fail. Dahil dito ka matututo. Basta siguraduhin mo lang na sa bawat failure mo ay may natututunan ka. Sayang naman yung experience kung wala kang natutunan.

Pangatlo, nalulula ka sa taas ng pangarap mo.

May mga nagsasabi na huwag ka raw mangangarap nang mataas kasi baka hindi mo yun maabot. Ikaw naman na mataas ang pangarap, maiisip mo nga na baka nga hindi mo maabot ang pangarap mo kasi sobrang taas.

Walang masama sa pangangarap nang mataas. Mabuti pa nga yan. Baka nalulula ka nga lang. Kapag ganito, mas makakabuti kung hatiin mo sa maliliit na goals ang pangarap mo. 

Ganito. Ang pangarap mo ang ultimate goal mo. Mataas talaga yan at mahirap abutin. Ngayon, hatiin mo ang ultimate goal mo sa maliliit na goals. Magsisilbi ang mga itong hagdan mo para maabot mo ang iyong ultimate goal. Gawin mo lang itong one small goal at a time. Mas achievable at realistic na itong ganito. Maganda rin kasi makikita mo ang progress mo. Kapag ganito, hindi ka na malulula sa taas ng pangarap mo kasi makaka focus ka sa mga small goals mo.

At para sa pang apat na dahilan kung bakit ka tinatamad. Hindi mo gusto ang ginagawa o trabaho mo.

Minsan pumapasok tayo sa trabaho na hindi natin talagang gusto dahil sa malaking pangangailangan sa pera. Maraming tao ang ganito. Dahil sa pangangailangan, papasukin ang trabahong hindi nila gusto. Nakakatamad talaga kapag ganito.

Ikaw ba? Tinatamad ka ba kasi hindi mo gusto ang ginagawa o trabaho mo?

Kung oo ang sagot mo, huwag mo namang basta iiwan ang trabaho na hindi mo gusto kung wala kang ibang pagkukunan ng ikabubuhay mo. Sa halip, magkaroon ka ng side hustle. At sa pagkakataong ito, siguraduhin mo na ang magiging side hustle mo ay yung trabahong gusto mo.

Kapag ganito ang ginawa mo, magkakaroon ng panibagong sigla ang buhay mo. Dahil magiging masaya ka sa side hustle mo, mahahawa na rin dyan ang trabaho na kinatatamaran mo. Pagbutihan mo rin sa side hustle mo para pag dumating yung panahon na mas malaki na ang kinikita mo sa side hustle mo, pwede mo na itong ipalit sa trabaho mo.

Yan ang apat na posibleng dahilan kung bakit ka tinatamad. Nariyan na rin ang mga paraan para tulungan kang baguhin yan. 

Balik na tayo sa iba pang dahilan kung bakit hindi ka umaasenso at ano ang pwede mong gawin para baguhin ito. 

#2 Hindi ka nauubusan ng excuses.

Alam mo ba yung kasabihan na kapag gusto, may paraan. Kapag ayaw, maraming dahilan. Ito yun. Hindi ka aasenso kapag hindi ka nauubusan ng dahilan. Kung totoong gusto mo talagang umasenso, hahanap at hahanap ka ng paraan. Kahit na sangkatutak pa ang mga excuses, hahanap ka ng isang paraan para lang sa katuparan ng pangarap mo. Para sa pag-asenso ng buhay mo.

Alam mo ba na sa tuwing magpapatalo ka sa excuses mo, ikaw mismo ang gumagawa ng problema. Kasi gumagawa ka ng dahilan para hindi ka umasenso.

Kung ganyan ka, kailangan mong baguhin agad yan. Don’t worry! Kayang kaya mo yan. Bawasan mo ang overthinking. Siguro kasi ay sobra mo nang pinag-iisipan ang mga kailangan mong gawin. Nao-overwhelmed ka na. Kumbaga, harapin mo ang problema, one problem at a time. Kapag ganyan, mas makakapag-isip ka ng maayos at alam mo sa isip mo na kayang kaya mo yang gawan ng paraan. At sa ganyan, hindi ka na gagawa ng iba pang dahilan. 

#3 Masyado kang umaasa sa iba.

Magaan ang buhay kapag may tumutulong sa iyo. Pero baka naman masyado ka na lang umaasa sa tumutulong sa iyo. Hindi na maganda yang ganyan. Asa sa magulang, asa sa kamag-anak, asa sa gobyerno.

Karamihan sa mga palaasa ay nakakampante ang loob nila kasi alam nilang may aasahan sila. Parang ayaw na nilang kumilos kasi alam nila na hindi sila pababayaan ng taong inaasahan nila.

Hindi porke may tumutulong sa iyo ay aasa ka na lang nang aasa sa kanila. At isa pa, hindi rin habangbuhay ay nariyan sila para tumulong sa iyo. Baka kasi hindi mo pa alam nagiging pabigat ka na rin sa kanila. May sarili rin silang buhay. Kaya ikaw mismo, tulungan mo rin ang sarili mo at huwag puro asa na lang.

Paano mo naman matututunan na huwag umasa sa iba?

Una, magtiwala ka sa sarili mong kakayahan. Lahat tayo ay may kanya kanyang kakayahan na bigay ng Diyos sa atin. Gamitin mo ang kakayahan na yan. Pagyamanin mo. At malay mo, iyan din ang magpapayaman sa iyo. Tandaan mo, pinagkatiwalaan ka ng Diyos sa kakayahan mo, kaya magtiwala ka rin sa sarili mo. Saka sa sobrang asa mo sa iba, nasasayang lang ang kakayahan at talentong pinagkaloob sa iyo.

Pangalawa. Lakasan mo ang loob mo. Huwag kang matakot na malugmok. Sabi nga sa isang kasabihan, when you hit rock bottom, the only way is up. Oo, makakaranas ka ng hirap at pwedeng mag-fail ka. Pero part yan ng buhay. Kailangan mong pagdaanan yan para matuto ka. 

Ang good news dyan, habang natututo ka at nagkakaroon ng iba’t ibang experience, mas gumagaling ka at tumatatag. Kakayanin mo yan nang hindi umaasa sa iba.

#4 Ayaw mong matuto ng bago.

Lahat ng bagay sa buhay ay napapag-aralan. Lahat ng skill ay pwedeng matutunan. Gaya na lang noong bata ka pa. Nag-aral at natuto kang maglakad, magsalita, magbasa, at magsulat. 

Ganyan din kapag adult ka na. Kung gusto mong umangat at umasenso, huwag kang magpapawala ng kagustuhang matuto. Dapat palagi kang natututo ng bago o kaya naman ay nagiging master sa paggawa ng isang bagay.

Sa bilis ng takbo ng teknolohiya ngayon, kung hindi mo pag-aaralan, maiiwan ka ng panahon. Isipin mo na lang ito. Kapag may bagong teknolohiya, mayroon ding bagong opportunity para kumita, may bagong opportunity para umasenso. Kaya huwag mong hayaan lumampas na lang nang lumampas ang bawat opportunity.

#5 Takot kang mabigo.

Nakakatakot naman talaga ang ma bigo. Masakit kasi sa feeling.

Minsan malulugmok ka nang sobra. Pagtatawanan ka. Kukutyain ka.

Walang may gusto ng ganyan. Pero tanungin mo ang sarili mo. Hindi ka na lang ba kikilos dahil sa fear mo sa failure? Hindi mo na ba gugustuhing umasenso dahil takot kang ma bigo? Hahayaan mo na lang bang lamunin ka ng fear na yan?

Kung nakakalamang ang kagustuhan mong umasenso, magpatuloy ka lang sa panonood ng video na ito at ganito ang gawin mo.

Una, tanggapin mo sa sarili mo na kasama sa kagustuhang magtagumpay ang pagkabigo o failure. Dahil ang bawat failure ay nakakatulong para palakasin ka at inihahanda nito ang sarili mo para sa tagumpay. Kaya huwag kang sumuko kaagad.

Pangalawa, ang failure ay hindi ang katapusan ng lahat. Tanungin mo ulit ang sarili mo. Ang failure ba ang end goal mo? Hindi naman di ba? 

Pwes! Huwag kang matakot sa failure dahil hindi yan ang end goal mo.

#6 Hindi ka marunong sa pera.

Kasabay ng pag-asenso ang pagdami ng iyong pera. Mahalaga na marunong kang humawak ng pera. Dahil kung hindi, ikakasira ito ng cash flow mo. 

Marunong ka bang mag-manage ng pera mo?

Kung aminado kang hindi ka marunong sa pananalapi, ngayon pa lang ay simulan mo nang pag-aralan ito.

Simple lang ito. Hindi mo kailangang magsimula sa malaking halaga. Mas mabuti pa nga na masimulan mo ito sa maliit na halaga pa lang.

Sabi nga nila, kung hindi mo raw magagawang mag-manage ng isang libong piso, hindi mo rin kayang mag-manage ng sampung libong piso. Kaya magsimula ka sa maliit o sa kung magkano ang mayroon ka.

Bibigyan pa kita ng karagdagang tips.

Alamin ang pinagkaiba ng NEEDs at wants. I-prioritize mo palagi ang needs.

Matutong mag-budget. Sa pamamagitan ng tama at maayos na pagba-badyet, magiging maayos din ang iyong cash flow. Maiilaan mo ang iyong kinikita kung saan ito mas nararapat mapunta.

Dagdagan ang kita. Mas madaling ayusin ang cash flow kapag mas malaki ang pumapasok na pera. Maraming paraan para dagdagan ang kita. Pwede kang makipag-negotiate para mapataas ang sweldo mo. Pwede kang magnegosyo kahit sa maliit na puhunan lang. Pwede kang magsimula ng isang side hustle. Tandaan! Kapag gusto, may paraan.

#7 Sarado ang isip mo.

Sarado ang isip mo sa maraming bagay. Kung ano ang alam mo, doon ka lang naka-focus.

Isipin mo ito. May dahilan kung bakit hindi ka umaasenso. Pero dahil sa sarado ang isip mo para dito, malamang ay hindi mo ito nakikita.

Sarado ang isip mo sa mga opportunities. Sarado ang isip mo para sa mga kaya mong gawin.

Kapag ganito, kailangan mong magkaroon ng positive mindset. Isa sa dahilan ng pagiging sarado ng isip mo sa mga bagay-bagay ay ang pagkakaroon ng negative mindset. Kailangan mong mapalitan yan ng positive mindset.

Makakatulong kung magbabasa ka o manonood ng mga success stories. Sa ganitong paraan, mai-inspire ka at magiging motivated.

Makakatulong din ang simpleng paglalakad-lakad lang. Minsan kasi, masyadong maraming negative vibes sa environment natin kaya nahahawa tayo. Malaking tulong kung maglalakad-lakad ka sa mga lugar na makakapagbigay ng good vibes gaya ng mga park. 

Yan na ang pitong mga dahilan kung bakit hindi ka umaasenso at kasama na nyan ang mga pwede mong gawin para baguhin ang mga yan. Pweder mo ring mapanood ang video version ng post na ito sa Youtube:

The post Mga Dahilan Kung Bakit Hindi Ka Umaasenso At Ano ang Pwede Mong Gawin Para Baguhin Ito appeared first on Pera Thoughts.

Ang pinag-uusapan natin dito ay yung mga negosyong pwede mong simulan sa halagang isang libong piso (₱1000) o mas mababa pa.

Okay! Let’s begin. 

6 Negosyong Pwedeng Simulan sa Maliit na Puhunan

#1 Magbenta ka ng yelo, ice candy, o ice pop. 

Kung mayroon kang refrigerator na may freezer, at hindi naman palaging napupuno, gamitin mo iyan para makapagsimula kang makapagbenta ng yelo. Hindi lang tuwing summer ma benta ang mga ito dahil kahit tag-ulan na, marami pa rin ang bumibili ng yelo. Ginagawa rin namin ito, at sa maniwala ka man o hindi, yung kinikita namin sa pagbebenta ng yelo, sumasapat na pambayad ng bill namin sa tubig kada buwan. At kung may sobra, pandagdag na rin sa pambayad sa kuryente. Malaking bagay na yan at tulong para sa mga gastusin.  

Masisimulan mo ang negosyong ito kahit sa puhunan lang na ₱50-₱100. 

#2 Magbenta ka ng frozen goods. 

Ang halimbawa nito ay hotdog, tocino, ham, at marami pang iba. 

Pwede mo itong isabay sa pagbebenta mo ng yelo kung may space pa sa freezer mo. O kaya naman ay puro frozen goods na lang ang ibenta mo. Ma benta ang mga frozen goods kahit na anong panahon. Kahit pa ngayong panahon ng pandemic.  

Pwede mong sabihin sa mga kapitbahay mo na may tinda kang frozen goods para sila ang maging una mong customer. 

Pwede mong simulan ang negosyong ito sa puhunan na dalawandaan hanggang limang daang piso. 

#3 Buy and sell. 

Ginagawa rin namin ito.

Maraming bagay ang pwede mong i-buy and sell. Sa totoo lang, mahirap pumili ng pwede mong ibenta. Nakadepende rin kasi yan sa budget mo. Pero dahil sa ang topic natin ngayon ay mga negosyo sa maliit na puhunan, focus lang tayo sa mga produkto na maliit lang ang halaga. 

Ganito ang diskarte namin na pwede mo ring gawin. 

Una, tumingin kami sa mga bagay na ginagamit namin dito sa bahay. O yung mga bagay na madalas naming bili hin. Tapos, humanap kami ng mabi bilihan online. Mas okay kung makakabili ng wholesale para mas mura. Tapos, bumili kami nang marami at ibinenta namin dito sa amin. 

Bale ang ginagawa talaga namin ay buy bulk online, and sell offline. 

BASAHIN: Mga Bagay na Pwede Mong Ibenta Online

Hindi namin ina lala kung walang bibili ng product na ito kasi madalas din naman namin itong gamitin. Pero, syempre, laking tuwa namin dahil bumenta rin ito din sa amin. 

#4 Magbenta ka ng almusal o meryenda. 

Huwag mo agad isipin kung saan mo ipupwesto ang tindahan mo ng almusal o meryenda. Kasi sa negosyong ito, pwede kang magsimula kahit sa bahay lang. May kilala akong gumagawa nito kahit nasa bahay lang sila. Nagbebenta sila sa pamamagitan ng social media. Kapag may order, pwedeng i-deliver. Free delivery lalo na kung malapit lang naman. Syempre, may additional na kapag medyo malayo na. 

Sa almusal, pwede kang magbenta ng iba’t ibang silog. Tapsilog, hatsilog, longsilog, at iba pa. Pwede ka ring magtinda ng lugaw, sopas, tsampurado, at iba pang classic na almusal ng mga pinoy. 

Sa meryenda naman, pwede kang magbenta ng turon, banana-Q, fishball, kwek-kwek, burger, fries, puto, kutsinta, siomai at iba pa. 

Tip lang, wag mo silang ibenta sabay-sabay sa isang araw. Magkaroon ka ng menu of the day. Halimbawa, ngayong araw na ito, ang almusal na ibebenta mo ay champurado, at sa meryenda naman ay turon at puto. Mas okay yang ganyan para hindi madaling magsawa ang mga customer mo. Wag kang matakot sumubok ng diskarte dahil siguradong makakahanap ka ng kombinasyon na papa talk para sa iyo. 

Kung ina alala mo naman na baka hindi maubos ang paninda mo, gawin mo itong made-to-order. Halimbawa, sa araw na ito, iaalok mo na yung mga lulutuin mo kinabukasan. Gumawa ka ng listahan kung ilan ang oorder. At kung ilan lang ang order sa iyo, yun lang ang gagawin mo. Nasa iyo na lang kung magpapa sobra ka pa. Sa ganyang paraan, hindi mo aalalahanin na baka hindi maubos ang paninda mo. 

Pwede mong simulan itong almusal at meryenda business mo sa halagang ₱200 hanggang isang ₱1000. 

#5 Loading business. 

Hindi mo kailangan ng malaking halaga sa negosyong ito. Kahit ₱100 nga ay pwede mo na itong simulan. Yung loading business namin, sinimulan lang namin sa halagang one hundred pesos lang talaga. Pinaikot lang namin ang puhunan hanggang sa dumami na. 

Wala kaming retailer sim. Ang ginagamit namin sa loading business namin ay coins.ph, Gcash, at Paymaya. Pero pinaka-favorite ko jan ay sa coins.ph. Mas mataas kasi ang cashback kumpara sa iba.  

Pwede mong simulan ang loading negosyo na ito sa halagang ₱100 lang. Pero mas okay kung mayroon ka kahit ₱1000 para mas malaki ang perang paiikutin mo. 

#6 Cash in and cash out. 

Kasabay na ito ng loading business. Marami ang nagpapa cash in at cash out sa Gcash at Paymaya kaya samantalahin mo na rin ang pag-ooffer ng ganitong service kung may loading business ka. Limitasyon dito kapag malaki ang halaga na kailangang i-cash in o cash out ng customer mo. Dahil sa maliit lang ang puhunan mo, baka hindi mo pa agad kayanin ang malalaking transaksyon. Pero huwag naman sana iyang maging dahilan para hindi ka makapagsimula. 

Simulan mo ito kahit sa halagang ₱1000 lang. Mapaparami mo din iyan sa maikling panahon lang. 

Yan ang anim na maliit na negosyong pwede mong simulan kahit na sa maliit na puhunan lang. O ano? May napupusuan ka bang simulan sa mga yan? 

Pwede mo rin palang panoorin ang video version ng article na ito sa Youtube. Doon sa video, ini-reveal ko ang dalawang product na ibina-buy and sell namin.

I-summary ko lang ha? Ito yung 6 na negosyong pwedeng simulan sa maliit na puhunan.

1. Magbenta ng yelo, ice candy, o ice pop. 
2. Magbenta ng frozen goods. 
3. Buy and sell. 
4. Magbenta ka ng almusal o meryenda. 
5. Loading business. 
6. Cash in and cash out. 

The post 6 Negosyong Pwedeng Simulan sa Maliit na Puhunan appeared first on Pera Thoughts.

Pero, alam ninyo, naniniwala pa rin ako na kapag gusto ay may paraan. Kaya kahit walang pera, pwede pa ring makapagsimula ng negosyo. Mahirap, pero hindi imposible.

Alamin natin! Pero bago mo basahin ang mga nasa ibaba, panoorin mo muna ang video na ito para magkaroon ka ng idea na posible talaga ang mga negosyong maliit lang ang puhunan.

6 Negosyong Pwedeng Simulan sa Maliit na Puhunan

Paano Magsimula ng Negosyo Kung Ikaw ay Walang Pera (o may Kaunting Pera)

Piliin mo sa mga paraang ito kung alin ang pasok sa sitwasyon mo. For sure, may mapupulot ka dito.

#1 Gamitin kung alin ang AVAILABLE.

Tignan mo sa paligid mo kung alin ang available o kung aling gamit mo ang pwede mong gamitin.

Halimbawa, kung mayroon kang Refrigerator, pwede kang magtinda ng yelo at ice candy. Makakabili ka ng plastic ng yelo sa halagang bente pesos.

Kung mayroon kang laptop at internet, humanap ka ng raket online. Syempre, gamit din ang kung anumang skills mayroon ka. Mag-offer ka ng mga online services gaya ng writing, picture editing, video editing, at iba pa.

BASAHIN: Side Business Ideas Para sa mga Dog Lovers

#2 Gamitin ang mga skills na mayroon ka.

Mayroon kang skill na pwede mong pagkakitaan. Baka hindi mo lang alam na pwede palang pagkakitaan ang skill mo. Kailangang alamin mo kung ano iyon. For sure, may bagay na magaling ka. Yung tipong lahat ng tropa mo, kapag kailangan ng ganoong bagay, sa iyo sila lalapit. Pero ginagawa mo iyon para sa kanila nang LIBRE. Alamin mo yun. Pwede mong pagkakitaan yun. Online man o offline.

BASAHIN: Mga Bagay na Pwede Mong Ibenta Online

#3 Maging masipag.

Pwedeng magnegosyo ang walang pera. Pero ang tamad, HINDI! Walang lugar sa pag-asenso ang mga taong tamad, pwera na lang kung marami kang pera. Pero kaya ka nga narito kasi naghahanap ka ng pagkakakitaan. Meaning, wala kang pera o kailangan mo ng EXTRA. Tama ba? Kaya naman, BAWAL ang TAMAD!

Kung magsisimula ka ng pagtitinda ng yelo, sipagan mo ang paggawa ng yelo. Baka naman paggawa na lang yelo ay katamaran mo pa.

#4 Palaguin ang puhunan o kapital.

Isa ito sa problema ng karamihang nagsisimulang magnegosyo. Kapag kumita na nang kaunti, gagastusin na kaagad sa kung anu-anong bagay. Ang tip namin, sa halip na gastusin ay idagdag muna ito sa puhunan para lumago ang negosyo.

Mula sa pagtitinda ng yelo, kapag kumita ka na, pwede mo nang gamitin ang mga kinita para maging puhunan sa pagtitinda ng mga frozen goods gaya ng hotdog, tocino, at iba pa. Di ba? Simple pero lumalago ang negosyo.

#5 Huwag panghihinaan ng loob.

Sabi nila, bukod sa ang pagnenegosyo ay para lang sa may pera, ang pagnenegosyo ay para rin sa mga malalakas ang loob. Sa pagnenegosyo kasi, hindi palaging kikita ka. Malaki ang risk na malugi ka. Sa pagnenegosyo, maraming rejections, maraming failures.

Nakakapanghina ng loob kung iisipin. Pero yang rejections na yan, yang mga failures, yan ang magdadala sa iyo sa success. Basta kailangan lang ay maging malakas ang loob mo at huwag kang mawawalan ng pag-asa.

Kung maging matumal ang benta, okay lang! Bawi na lang sa susunod. Huwag yung, naging matumal lang ang benta, ayaw mo na kaagad magnegosyo. Suko ka na agad.

Sana ay nakatulong sa iyo ang aming mga tips.

P.S. Alam mo bang nagpapa-utang ang gobyerno ng pera para sa mga maliit na negosyante? Kapag stable na ang negosyo mo, pwede kang mangutang dito para makapagpalago ka ng negosyo. >> Paano mag-avail ng pautang ng gobyerno?

Good luck sa pagsisimula ng negosyo.

The post Paano Magsimula ng Negosyo Kung Ikaw ay Walang Pera (o may Kaunting Pera) appeared first on Pera Thoughts.

Well, CONGRATULATIONS! Dahil nag-decide kang makaahon mula sa iyong pagkakautang. Hindi ka kasi kagaya ng iba na hahayaan na lang na mabaon sa limot ang utang nila. May intensyon kang magbayad. Yun nga lang, siguro, patuloy ang pagdating ng mga pagsubok sa iyo kaya nahihirapan kang magbayad. At, marahil ay nalugmok ka lang sa sitwasyon na hindi mo na alam ang dapat mong unahin sa dami na rin ng bayarin.

Don’t worry! Wag kang mag-alala. May mga tips dito na makakatulong sa iyo. Pero bago ko simulan at bago ka magpatuloy, i-set muna natin ang expectation mo.

Kapag nabasa mo ito, huwag mong i-expect na sa isang iglap ay mauubos ang utang mo. Hindi magic ang article na ito.

Ang mababasa mo dito ay tips lang or payo. Pwede mong gawin, pwedeng hindi. Kapag ginawa mo, mataas ang chance na makakabayad ka sa mga utang mo kahit pakonti-konti. Pero kung hindi mo naman gagawin, huwag kang mag-expect na may mangyayari. Action is needed.

So, simulan na natin.

#1 Decide

Actually, nasimulan mo na ito nung mag-decide ka sa sarili mo na magbabayad ka ng utang. Yan naman kasi ang kailangang unang mangyari talaga. Kasi kung hindi ka magde-decide, wala din. So, dito sa part na ito, mag-decide ka na gagawin mo ito. Hindi yung ningas-kugon ka o sa umpisa lang magaling.

#2 Stop

STOP! As in stop mo na ang pangungutang. Lubog ka na sa utang, huwag mo nang dagdagan pa. Hindi mo mapapalaya ang sarili mo sa utang kapag ganyan. Parang ililipat mo lang ang sarili mo sa ibang kulungan. Pero pareho pa rin iyang kulungan. Technique kasi ng iba ay mangungutang sa ibang tao o kaya sa ibang institusyon na nagpapautang para makapagbayad sa mga nautang pagkakautang. Mas mabuti kung stop na lang. Kung may credit card ka, huwag mo nang gamitin. Hindi yan instant pera, utang yan.

Basta kahit na ano pa man, huwag mo nang dagdagan pa ang iyong utang. STOP na. No excuses. Tama na ang pagbubutas sa sarili mong bulsa. Oras na para tahiin o tapalan mo ang mga tagas na umuubos sa pera na gastusin mo sa pang araw-araw.

#3 Locate

Kailangan mong i-locate o alamin kung nasaan ka. Hindi ito pisikal na location mo, pero pwede nating ihalintulad.

Ito kasing sitwasyon mo na nalubog ka sa utang ay parang isang unfamiliar place para sa iyo. Kumbaga, para kang naliligaw. Alam mo kung saan mo gustong magpunta pero hindi mo alam ang daan. Gusto mong makalabas pero hindi mo alam kung paano. Kaya naman, kung gusto mong makalabas, kailangan mo munang malaman kung nasaan ka. Magagawa mo yan sa pamamagitan ng paglilista. This may sound boring o kaya ay old school para sa iyo pero think of it as ito yung magiging mapa mo, or compass, or GPS.

• Ilista mo ang lahat ng iyong pagkakautang at iyong pinagkakautangan. Gumamit ka ng notebook kung kailangan. O kaya mag-download ka ng Google Sheets (pwede sa web, pwede sa Android, pwede sa iOS) at doon mo ilista lahat. Kumpleto dapat. May interes man o wala. Isama mo sa lista ang principal amount at ang interes kung meron man at minimum payment.
• Ilista mo ang lahat ng iyong pinagkakagastusan. LAHAT! Kahit barya pa yan. Huwag mong lokohin ang sarili mo sa part na ito. Huwag mong palampasin kahit baryang may napakaliit na halaga.
• Ilista mo ang lahat ng iyong pinagkakakitaan – sweldo, raket, negosyo. Ilista mo lahat. Bawal ang kupit.

Yan! Ngayon alam mo na kung nasaan ka. Alam mong marami kang utang. Alam mong marami kang bayarin at pinagkakagastusan. Alam mong kulang ang iyong kinikita. Ngayon, paano ka makakalabas?

#4 Breath. Inhale. Exhale.

Alam mong nakaka-stress yang makita at mag-isip kung paano ka makakaahon sa utang. Mahirap talaga lalo ka kung marami kang utang. Isama mo pa ang kabi-kabilang bayarin at ang kulang na kinikita para mabayaran ang lahat. Pero kailangan mo kasi ng focus sa goal mo. Huwag kang tumingin sa kung magkano ang utang mo lang. Huwag kang tumingin sa kung magkano ang mga bayarin mo lang. At huwag kang tumingin sa kakulangan ng kinikita mo lang. Tumingin ka sa goal mo. At yun ay ang makalabas at makalaya sa utang.

Ang part na ito ay more on motivation. Inhale, exhale. Sabihin mo sa sarili mo na kaya mong harapin ang mga pagsubok na yan.

#5 Prioritize and Take Control

Ngayong nakapag-relax ka na, hindi na nakaka-overwhelmed ang mga pagsubok. At sa pagkakataong ito ay malinaw na sa iyo kung nasaan ka. Alam mo kung magkano ang pumapasok na pera, alam mo kung magkano ang lumalabas. So, ang kailangan mong gawin ngayon ay ang mag-PRIORITIZE para ma-gain mo yung CONTROL.

Gastusin

Yung listahan mo ng mga gastusin ang unahin mo. Tignan mo yang maigi. Pagnilayan mo. Tapos, tanungin mo ang sarili mo, “Alin dito ang mga dapat kong unang bigyan ng pansin? Alin dito ang PRIORITY ko?”

Syempre, PRIORITY mo ang pagkain, tirahan, tubig, kuryente, pamasahe. Other than those, alin pa? Milk tea? Pagkain/inumin yan pero dapat mo ba yang i-priority? Kung may bisyo ka, uunahin mo pa ba yun?

After mong mai-set ang iyong mga PRIORITY, alisin mo muna yung mga hindi dapat i-priority. As is huwag mo munang gastusan. O kung hindi naman pwedeng alisin sa gastusin, bawasan mo nang kalahati. Kung dati ay ₱ 1000 ang gastos mo sa load, gawin mong ₱ 500. Magkano kaya ang matitipid mo kapag ginawa mo yan? Ikaw lang ang makakaalam niyan. At ulitin ko lang ha?

Be honest on yourself. Huwag mong lokohin ang sarili mo. Kung hindi mo naman talaga at sobrang kailangan, huwag mong ipilit na kailanganin. Ang goal mo ay makawala sa utang, makabayad sa utang, hindi ang magpakasaya. Hindi ko sinabing malungkot ka ha? Maging masaya ka at positibo. At pwede mong gawin yan nang hindi gumagastos.

Utang

Ngayon, doon naman tayo sa listahan ng iyong mga utang. Syempre, kung isa lang naman ang pinagkakautangan mo ay hindi mo na kailangan itong part na ito. Pero kung marami kang pinagkakautangan, kailangang kailangan mo ito. Gagawa ka dito ng dalawang listahan.

Listahan ng Utang “A” (Debt Avalanche)

Dito sa listahan na ito, pagsunod-sunurin mo ang mga utang mo base sa laki ng interest, mula sa pinakamalaki hanggang sa pinakamaliit. Debt avalanche ang tawag sa technique ng pagbabayad na ito.

Ang interest ang nagpapabigat sa mga binabayarang utang. Sa technique na ito, mas makakatipid ka at mas mabilis mong mababayaran ang iyong mga utang dahil target mo dito ay maubos kaagad ang utang na may pinakamataas na interest.

Listahan ng Utang “B” (Debt Snowball)

Dito naman sa listahan na ito, i-sort mo ang iyong mga utang base sa halaga. Mula naman ito sa pinakamaliit hanggang sa pinakamalaking halaga. Hindi mo papansinin ang interest sa technique na ito.

Ang goal ng technique na ito ay ang mabawasan ang stress mo sa pagbabayad ng utang at magkaroon ng motivation. Uunahin mong ubusin ang pinakamaliit mong utang habang babayaran mo ng minimum ang iba.

Sa technique na ito, makikita mong mas mabilis mauubos ang nasa listahan mo ng mga utang. At sa utak mo ay magiging motivation iyon. Iba kasi sa feeling yung may nabura kang utang sa listahan. Mas magaan sa paghinga.

#6 Additional Income

Matapos mong gawin ang mga listahan ng priorities mo, baka ma-realize mo na kahit bali-biligtarin mo ang listahan ay wala ka pa ring magagawa kasi kulang ang kinikita mo. Kahit na bawasan mo ang gastos mo ay kulang pa rin. No choice ka na kundi humanap ng additional source of income. Dagdag income ha? Hindi dagdag utang.

Sa pagkakataong ito, bawal magdahilan. Lalo na kung ang idadahilan mo ay wala kang extra “time”.

Pareho lang ito sa ginawa natin kanina, yung pagpili ng priority. Uunahin mo ba ang gumala kesa sa humanap ng pagkakakitaan? Uunahin mo ba ang mga party at inuman kesa rumaket? It’s up to you.

#7 Take Action and Change Yourself

Nabanggit ko na kanina na ang mga ito ay tips lang, payo lang. Hindi mauubos ang utang mo kapag natapos mo na itong basahin. Makakawala ka lang sa utang mo kapag kumilos ka, kapag umaksyon ka. Okay lang naman na parang isang Action Star ka na dehado sa umpisa kahit hirap kang magbayad ng utang pero mananalo ka sa bandang huli at makakawala na sa mga utang mo.

Change yourself. Walang magbabago sa sitwasyon mo kung ikaw mismo ay hindi magbabago. Tigilan mo yang mga quotes na nagsasabi na “just be yourself”. Bakit? Kasi, d’yan sa “just be yourself” na yan ka nalubog sa utang. Yan pa rin ba ang gusto mo? Kung hindi, then change yourself. Change your lifestyle.

Alam mo ba yung minimalism or minimalist lifestyle? Ito ay isang uri ng lifestyle na ang gamit mo lang ay yung mga totoong kailangan mo. Mukhang boring, pero maniwala ka, mali ka d’yan. Hindi ko sinasabing maging minimalist ka. Binibigyan lang kita ng option.

Para magkaroon ka ng idea, you can watch this documentary sa Netflix >> Minimalism: A Documentary About the Important Things. Personal favorite ko ito. Ilang beses ko na ring napanood at patuloy kong gugustuhing panoorin kapag kailangan ko ng motivation.

Meron din akong review ng isang e-book tungkol sa isang Filipino Milimalist, si Darrah. If you need to learn more about minimalism, or gusto mong malaman ang buhay ng isang Pinay na minimalist, get a copy of her e-book. You can read my review here >> Juanderfulife: Minimalism for Pinoys (REVIEW).

#8 Be Consistent

Nabanggit ko na nga rin kanina, huwag kang ningas-kugon. Huwag pakitang-tao. Huwag sa umpisa lang magaling. Be consistent. Marami ang nagsasabi na “Consistency is the Key”. Naniniwala ako d’yan.

Napahaba na ang post ko. Dito ko na ito puputulin. Sana ay may napulot ka dito. For sure naman na makakatulong ito para makabayad ka na at makawala sa mga utang mo.

The post Easy Steps Para Makawala sa Utang appeared first on Pera Thoughts.

Isa sa mga natutunan ko na kailangan sa pagsisimula ng negosyo ay ang magpakatotoo sa sarili. Mahirap lokohin ang sarili kapag magsisimula ka ng negosyo. Kailangan mong maging honest sa sarili mo sa pagsagot ng mga tanong na may kinalaman sa pagnenegosyo. Kaya mo bang baguhin ang sarili mo (ugali at habits mo)? Kaya mo bang i-motivate ang sarili mo at maging “boss” ng sarili mo? Magkano ang kakailanganin mo para makapagsimula? Paano ka magkakaroon ng pera para makapagsimula? Anong negosyo ba ang gusto mong simulan? Bakit? Kikita ba ang ganyang negosyo?

O di ba? Andaming tanong at nakaka-overwhlemed. Tough questions nga daw para sa mga nagsisimula pa lang. Pero alam mo ba na ang pagsagot sa bawat tanong na sasalubong sa iyo ay kasing fulfilling na. Kumbaga, bawat tanong na masasagot mo ay parang isang stage o level na nalampasan mo. At bawat nasagot na tanong ay magdadala sa iyo papalapit sa pangarap mong makapagsimula ng negosyo.

Pero, ang bawat tough questions ay isang tough challenge. Posibleng kapalit ng pagsagot sa tough question ay paglabas sa “comfort zone” o kaya naman ay “failure”. Takot sa mga yan ang karamihan. Ayaw nilang mahirapan. Ayaw nilang makaranas ng “failure”.

Ang mga tough questions na yan ay mga totoong obstacles, at risk. Nakakatakot, pero kung paano mo iha-handle at sasagutin ang mga yan, doon mo malalaman kung gaano kalayo ang maaabot mo at magiging basehan ng success para sa iyo.

Ang mga business owners o mga entrepreneurs ay walang mga special na kapangyarihan o swerte kaya sila naging successful. Naranasan nilang lumabas sa kanilang “comfort zone”. Nakaranas sila ng hindi lang iisa, kundi sangkatutak na “failures” sa pagharap ng mga challenges at obstacles para sa negosyo nila. Pero naging successful sila dahil hindi sila sumuko at hinarap ang bawat obstacles nang may lakas ng loob. Tamang mindset, yan ang mayroon sila.

If you fail to plan, you are planning to fail!

Benjamin Franklin

Ang pagsisimula ng negosyo, gaano man yan kaliit, ay nangangailangan ng pagpaplano. Hindi naman kailangang perpektong plano, pero kailangang masusing pinagisipan. Magplano ka base sa kung ano muna ang alam mo. Then, mag-research ka ng mga pandagdag. Don’t worry, palagi ka naman pwedeng magpalit ng plano. Kasi hindi lahat ng nasa plano mo ay mangyayari. Pero mahalaga pa rin na mayroon kang plano kasi yan ang magiging guide mo. Kung may papalitan ka, konting edit ng plano lang yan.

Hindi naman puro challenges at obstacles ang pagnenegosyo. Sa totoo lang, napakaraming rewards doon. Una, wala kang “boss”, ikaw ang “boss”. Ikaw ang magdedesisyon kung ano ang gagawin at kung paano gagawin. Hindi mo na kakailanganing manghingi pa ng pagtaas ng sweldo sa “boss” mo dahil ikaw rin ang magde-decide kung gaano kalaki ang ipapasweldo mo sa sarili mo depende sa kita ng negosyo mo. Pwede kang mag-leave any time kung gusto mo. Pero…

Syempre, bago mo magawa ang mga yan, kailangan mo munang mapatakbo ang business mo on its own. Syempre, para hindi mo poproblemahin kung paano gagalaw ang negosyo mo kapag nagbakasyon ka. Di ba? Kaya yan! Sa umpisa, kakain ng maraming effort. Pero it’s really worth it. Lalo na kapag naisakatuparan mo na ang pangarap mo.

The post Pagsisimula ng Negosyo: Katuparan ng Pangarap appeared first on Pera Thoughts.

Doon sa amin sa probinsya, may mga kakilala ako na yung perang pambili na sana ng pagkain, itataya pa sa STL (Small Town Lottery). Umaasa na ang barya ay magiging malaking halaga. Umaasa sa swerte. Kapag tumama, edi blow out. Kapag hindi, e di itutulog na lang ang gutom o kaya iinom na lang ng maraming tubig.

Pero hindi naman lahat ay umaasa sa swerte. May mga tao rin naman na nagsasabi na tayo ang gumagawa ng ating kapalaran. Naniniwala sila na hindi kailangan o hindi makakatulong ang swerte para maging successful o umunlad sa buhay.

Masama ba ang maniwala sa swerte?

Sa aking opinyon o palagay, hindi naman masama ang maniwala sa swerte. Pero masama ang umasa sa swerte.

The harder I work, the luckier I get.

Samuel Goldwyn

Masama ang umasa sa swerte. Dahil ang swerte ay kailangang sinasamahan ng hardwork. Marami ang nagsasabi na hardwork lang ay sapat na. Pwede rin naman.

Pero marami ring mga masisipag na negosyante ang naniniwala sa swerte. Bumibili pa nga sila ng mga pampaswerte para raw lalapit ang pera o costumer.

Para sa akin, ang swerte ay parang positive thinking o parang law of attraction. Yung swerte mo, magma-manifest yan basta magsikap ka at magtyaga at maging masaya sa ginagawa mo.

Sa palagay ko, kahit puro hardwork ka, kahit matyaga ka, pero kung hindi ka masaya sa ginagawa mo, hindi magma-manifest sa iyo ang success. O hindi ka pa rin suswertehin.

Di ba? Kaya may mga tao na kahit masipag at masikap, wala pa ring success. Kasi, puro sila reklamo na mahirap. Pero ginagawa pa rin nila. Hindi sila nagiging masaya. Kaya kahit na masipag at masikap, hindi pa rin nagma-manifest ang success.

Hindi ko sinasabing tama itong sinasabi mo. At wala rin itong basehan na nasusulat. Base lang ito sa aking observation at opinyon.

Kayo? Ano sa palagay ninyo? Masama ba ang maniwala sa swerte?

The post Masama Ba Ang Maniwala sa Swerte? appeared first on Pera Thoughts.

#1 Dog grooming services

Kailangan ng mga aso ang proper care at grooming. Kahit pa sabihin natin na Aspin pa yan. Kung wala ka pang alam sa paggu-groom ng mga aso, pwede mo namang pag-aralan. At syempre, kapag marunong ka na, pwede ka nang mag-offer ng iyong dog grooming services sa ibang mga dog owners. Pwede mong gawin tuwing weekends o kapag may free time ka. Pwede ring on-call.

#2 Sell dog supplies and accessories

Pwede kang magsimula ng online shop ng mga dog supplies. Mga supplies na gaya ng dog bed, dog shampoo, conditioner, nail clippers, pooper scooper, toys, at marami pang iba. Kung inaalala mo naman ang kawalan ng space o stock room, pwede mong i-try mag-dropship.

#3 Homemade dog food and treats

Kung kapos naman sa puhunan, pwede mong subukang gumawa ng homemade dog food. Pwede mong i-try itong recipe sa DIY dog food recipe from Damn Delicious. Okay na okay itong business na ito para sa mga dog owners na naghahanap ng iba pang alternative na pwedeng treats sa kanilang mga alaga. Of course, pwede mo ring ibenta online. Try mo din itong homemade dog treats recipe from Cesar’s Way.

#4 Dog training services

Iba ang happiness ng mga dog owners kapag may bagong na natututunan ang kanilang alaga pero hindi lahat ng mga dog owners ay may kakayahang mag-train ng kanilang mga alaga. Kaya naman napakagandang opportunity nito. Pwede mong pag-aralan kung paano mag-train ng mga aso at mai-offer ang iyong dog training service sa mga dog owners.

#5 Dog photography

Pwede mo itong simulan na kasama ng dog training service. Syempre, pwede ring separate. Mahirap kasing kuhanan ng picture ang mga aso. Kaya naman may mataas na demand ang dog photography. Para makapag-promote ng ganitong business, pwede kang gumawa ng Instagram account at i-upload doon ang iyong mga sample pictures.

#6 Blog about dogs

Crowded na ang ganitong niche sa blogging, pero it’s never too late to start. Pwede ka naman mag-blog at gawin lang parang documentary ng pagpapalaki mo sa iyong alaga. Or pwede ka rin namang mag-blog tungkol sa dog services na kaya mong i-offer. Perfect na promotion para sa business mo.

That’s all for side business ideas para sa mga dog lovers. Sana ay may napulot kang pwede mong masimulan. Pwede mong subukan lahat if you have time.

For more additional income or business ideas and opportunities, you can visit this link >> #MakeMorePera.

The post Side Business Ideas Para sa mga Dog Lovers appeared first on Pera Thoughts.

Para naman sa paghahanap ng paraan kung paano magkapera (trabaho o career, negosyo, pag-i-invest), kung nais nating maging successful, kailangan nating pag-aralan ang mga nagawa na ng mga naging successful na. Halimbawa, kung nais mong mag-grow ang iyong career, pwede mong pag-aralan kung ano ang mga ginawa ng “Boss” mo para umangat ka rin. O kung sa negosyo man, pwede mong pag-aralan ang mga nagawa ng mga successful business persons. Pareho na rin sa investing.

Isa pa, kailangan mo ring open ka sa pagbabago ng mindset. Kahit kasi na alam mong kailangan mong maging successful o gusto mong maging successful, pero kapag wala yung passion sa puso at isip mo, wala rin. Kumbaga, puro ka plano. Handa ka na, o nakapagsimula ka na pero hindi ka makapagpatuloy. Wala rin. Wala ka ring mararating. Mindset and passion, then move forward.

Okay. Kapag nariyan na ang passion at mindset, diyan na pumapasok ang mga get-rich-quick na offer sa iba’t ibang tao o kumpanya. Syempre, gusto mo nang maging successful at kumita nang malaki, di ba? Kaya naman tine-take nila ang opportunity na yan para mapasok ka.

Ganito na lang. Isipin mo na lang palagi na walang get-rich-quick. Walang biglang yaman. Unless sa lotto mo gustong maging successful. Ang pagkakaroon ng yaman ay hindi parang isang microwave na mabilis magluto. Ang pagkakaroon ng yaman ay isang mabagal na proseso at maraming pinagdadaanan. Kaya kapag may nagsabi sa iyo na kaya ka nilang payamanin sa mabilis na paraan, umiwas ka na. Dahil walang gano’n!

Kailangang magbago rin ang iyong pagtingin sa pera. Oo, alam natin na mahalaga ang pera. At napakahalaga na alam natin kung paano magkaroon nito sa pinakamabilis na paraan. Pero ang mas mahalaga siguro ay yung alam natin kung paano magkaroon nito nang tama, paano ito gagamitin nang tama. Kapag alam natin yan, alam na rin natin na ang pera ay hindi madaling makuha kaya kapag nagkaroon nito ay hindi dapat na waldasin kaagad. Makikita na rin natin ang kahalagahan ng pag-iipon.

Naniniwala ako na kahit mga simpleng kaalaman sa pera kagaya nito ay kayang baguhin ang buhay sa mas maayos. Sabi nga nila, the more you know, the more you can apply. So, alam mo na ha? Bawal mahulog sa mga Get Rich Quick Schemes dahil kadalasan, iyan ay SCAM!

The post Get Rich Quick? Walang Ganon! appeared first on Pera Thoughts.

Sabi nga ng iba, mas madali raw mag-ipon kapag may pinag-iipunan. Kumbaga, nakakadagdag kasi sa motivation kapag alam mong may target ka o may goal ka. Kapag alam mo kung ano ang pinag-iipunan mo, mas ganado kang mag-ipon.

May list ako dito ng mga bagay na mahalagang unahing pag-ipunan.

Mga Bagay Na Dapat Mong Pag-ipunan

Emergency Fund

Para sa akin, pinakamahalagang unahing pag-ipunan ang emergency fund. Kumbaga, emergency fund is a must. Marami kasing mga emergency na bagay ang biglaan na lang nangyayari na mangangailangan ng pera. So, mas mabuti na mayroon kang nakahandang pera para dito.

Hindi kasama dito ang biglaan na nagkayayaan na mag-outing ang tropa ha? O kaya naman biglaan nagkaroon ng SALE ang paborito mong brand.

Magkano ba dapat ang emergency fund?

Basically, depende iyan sa kung magkano ang normal na gastos mo. Alamin natin yan sa ibang post, abangan.

Education

Dito sa Pilipinas, napakalaki ng discrimination pagdating sa education or kung ano ang natapos. May mga companies na nakatingin sa pangalan ng school at iba pa. At mahal ang mag-aral sa may pangalang School or College or University dito. As in gagastos ka nang malaki.

Ibahin na lang natin. Let’s say na learning of new skills na lang or going to skill improvement. Syempre, gastos pa rin ang resources. Pwede kang umattend ng training or mag-enroll ng online course. Syempre, gastos ulit.

Self-study? Pwede naman para makatipid. Pero gagastos ka pa rin sa resources gaya ng books, etc. Pero sabi ko nga, nakatingin sila sa diploma mo. Nakatingin sila sa certificate mo. Ija-judge ka nang hindi pa nakikita ang skills mo.

Halimbawa, sa akin na lang. Self-study lang sa personal finance. I am doing my best para maging financial literate. Ang mga resources ko ay mga books, online cources, groups. Tapos nagsimula ako ng blog about personal finance? Hindi ko lalahatin pero mayroon dyan na magsasabi na “Bakit ba ako maniniwala sa taong ito e wala naman itong formal education about finance?”

Kaya naman, in the future, may plan din naman ako na mag-try makakuha ng certification. Hindi pa lang sa ngayon as of writing this.

Magsimula ng Business

Isa sa mga pinag-iipunan ng karamihang gustong makawala sa pagiging empleyado ay ang puhunan para makapagnegosyo. Either makawala nga sa pagiging empleyado or part-time negosyante. May pandagdag man lang sa kinikita.

Investment

Bukod naman sa negosyo, para mapalago ang pera, nag-iipon ang iba para makapag-invest. Mas maagang pagsisimula sa pag-i-invest, mas mabuti dahil mas malaki ang magiging pera mo. Sabi nga nila, pagdating sa investment, hindi mo talagang kakampi ang malaking halaga. Dahil mas kakampi mo ang oras o panahon.

Nanghihinayang nga ako e. Natutunan ko lang ang mga bagay tungkol sa investment ngayong nasa trenta na ako. Akala ko kasi noon ay ang pag-i-invest ay para lang sa mga mapepera. Mali pala. Kahit maliit na halaga lang pala ay pwedeng i-invest.

Kung interesado kang mag-invest, pwede ka naming tulungan. Sign up ka lang gamit ang form dito >> . Then kontakin ka namin.

Insurance

Marami ang hindi nakaka-appreciate sa insurance kasi inaakala ng iba na para bang pinaghahandaan na kaagad ang kamatayan. Ganito rin ang pananaw ko noon. Well, pwedeng tama. Pero hindi naman ibig sabihin na kailangan mong patayin ang sarili mo. Kumbaga, sinisigurado mo lang na okay ang iyong mga iiwanan.

Kadalasan naman sa iniisip ng iba ay paano naman kung walang nangyaring hindi maganda? May mga insurance naman na may living benefits. May makukuha ka kung sakaling walang nangyari sa iyo. Ito yung tinatawag nilang VUL o Variable Universal Life Insurance. Habang insured ka, nag-i-invest ka na rin. Pwede kang mag-inquire sa amin tungkol sa VUL kung gusto mo. Or pwede mo rin gamitin ang form na ito >> , then kami ang kokontak sa iyo.

Sariling Bahay

Nakakasawang mangupahan, sa totoo lang. Kahit sabihin ng mga eksperto na hindi magandang investment ang bahay ay okay lang. Iba pa rin kasi yung may sarili kang bahay. Iba yung freedom. Hindi mahalaga ang malaking bahay. Sapat na yung maliit at simple. Pero kung nangangarap ka ng malaking bahay, wala naman masama doon. Basta may pera ka at hindi ka malulubog sa utang.

Vacation or travel

Sino bang ayaw mag-travel? Or sino bang ayaw magbakasyon? Di ba ang sarap magpunta sa lugar na may magandang view at nakaka-relax? Pero mas masarap sana yan kung may pera ka. Yung tipong hindi ka na mangungutang para lang makapag-travel o makapagbakasyon. Mahirap naman yung nag-travel ka nga at nagbakasyon, pero pagbalik mo, problema mo naman ang pagbabayad ng utang.

Financial Freedom

This is my ultimate goal. Malamang kayo rin. Sino ba naman ang may ayaw na umabot sa state na hindi mo na poproblemahin ang kawalan ng pera? O yung tipong hindi mo na kailangan ng pera kasi alam mong sapat na. Hindi sapat ang pag-iipon lang para makamit ang financial freedom. Kailangan ay may iba pang source of income at nag-i-invest din.

Retirement

Kasama na sa financial freedom ang retirement. Hindi ko ma-imagine ang sarili ko na magtatrabaho pa kapag matanda na ako. Napakahirap ng ganoon. Mahirap din naman umasa sa mga anak. At sabi nga, huwag na huwag gagawing retirement plan ang mga anak.

Lahat tayo ay papunta sa pagtanda. Ayoko naman na kapag matanda na ako ay pagsisisihan ko ang hindi paghahanda para sa retirement.

Ikaw? May iba ka pa bang mahalagang pinag-iipunan?

“A prudent person foresees danger and takes precautions. The simpleton goes blindly on and suffers the consequences.” —Proverbs 27:12, NLT.

The post Mga Bagay Na Dapat Mong Pag-ipunan appeared first on Pera Thoughts.